ଢେଙ୍କାନାଳ: ଢେଙ୍କାନାଳ ଜିଲ୍ଲା ରାସୋଳ ଥାନା ଅନ୍ତର୍ଗତ ସର୍ପା ଛକ ନିକଟରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଏକ କ୍ରସରରେ କାମ କରୁଥିବା ଶ୍ରମିକର ସନ୍ଦେହ ଜନକ ମୃତ୍ୟୁକୁ ନେଇ ପରିବାର ଲୋକ ହତ୍ୟା ଅଭିଯୋଗ କରିଥିବାର ସୂଚନା ମିଳିଛି ।
ରାସୋଳ ଥାନା ଅନ୍ତର୍ଗତ ଖଣ୍ଡତିରି ଗ୍ରାମର ସୁଶାନ୍ତ ନାଏକ ନାମକ ଜଣେ ବ୍ୟକ୍ତି ପ୍ରତ୍ୟେକ ଦିନ ଭଳି ଗତକାଲି ଶୁକ୍ରବାର ମଧ୍ୟ ତପନ ମହାପାତ୍ରଙ୍କ କ୍ରସରକୁ କାମ କରିବାକୁ ଆସିଥିଲେ । ହେଲେ ଆଉ ଘରକୁ ଫେରିନଥିଲେ । ଶନିବାର ସକାଳେ ସୁଶାନ୍ତଙ୍କ ମୃତଦେହ ସହ ତାଙ୍କ ବାଇକ୍ ସର୍ପା ଛକ ନିକଟସ୍ଥ ରାସ୍ତା କଡରେ ପଡିଥିବା ଲୋକେ ଦେଖିବାକୁ ପାଇଥିଲେ ।
ଆଉ ଏ ସମ୍ପର୍କରେ ତୁରନ୍ତ ପୋଲିସକୁ ଖବର ଦେଇଥଲେ । ସୁଶାନ୍ତଙ୍କ ସ୍ତ୍ରୀ କହିବା ଅନୁଯାୟୀ ସୁଶାନ୍ତ ପ୍ରାୟ ୩ ବର୍ଷ ଧରି ତପନ ମହାପାତ୍ରଙ୍କ କ୍ରସରରେ କାମ କରୁଥିଲେ । ପ୍ରତ୍ୟେକ ଦିନ ଭଳି ଶୁକ୍ରବାର ମଧ୍ୟ ତପନ ମହାପାତ୍ରଙ୍କ କ୍ରସରକୁ ସୁଶାନ୍ତ କାମ କରିବାକୁ ଆସି ଆଉ ଘରକୁ ଫେରିନଥିଲେ । ଶନିବାର ସକାଳେ ସୁଶାନ୍ତଙ୍କ ମୃତଦେହ ସର୍ପା ଛକ ନିକଟସ୍ଥ ରାସ୍ତା କଡ଼ରେ ପଡିଥିବା ନେଇ ଗାଁ ଲୋକଙ୍କଠାରୁ ଖବର ପାଇଥଲେ । ତପନ ମହାପାତ୍ରଙ୍କ କ୍ରସରରେ କାମ କରୁଥିବା ଦାସ ନାମକ ଜଣେ ବ୍ୟକ୍ତି ହିଁ ସୁଶାନ୍ତଙ୍କୁ ହତ୍ୟା କରିଛି ବୋଲି ସୁଶାନ୍ତଙ୍କ ସ୍ତ୍ରୀ ଅଭିଯୋଗ ଆଣିଛନ୍ତି । ପୁଲିସ ଘଟଣା ସ୍ଥଳରେ ପହଞ୍ôଚ ତଦନ୍ତ ଚଳାଇଛି । ସୁଶାନ୍ତ ଦିନ ମଜୁରିଆ ଭାବେ କାମ କରନ୍ତି । ତାଙ୍କର ଗୋଟିଏ ପୁଅ ଏବଂ ୨ଟି ଝିଅ । ତେବେ ଏ ଘଟଣାର ତଦନ୍ତ କରାଗଲେ ପ୍ରକୃତ ସତ୍ୟାସତ୍ୟ ପଦାକୁ ଆସିବ ବୋଲି ସାଧାରଣରେ ଆଲୋଚନା ହେଉଛି ।
