ଫିରିଙ୍ଗିଆ : ଫିରିଙ୍ଗିଆ ବ୍ଲକ୍ ଗୋଛା ପଡ଼ା ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଦାମା ରେଜୁ ଗାଁର ଅଷ୍ଟମ ଶ୍ରେଣୀରେ ପଡ଼ୁଥିବା ଜଣେ ୧୪ ବର୍ଷର ନାବାଳିକା ଗାଁ ପାଖ ଜଙ୍ଗଲରେ ଗଛ ରେ ବେକରେ ଗାମୁଛା ଲଗାଇ ଆତ୍ମହତ୍ୟା କରିଥିବା ଜଣା ପଡ଼ିଛି । ସୂଚନା ଅନୁସାରେ ଗତ ୨୦ ତାରିଖ ସୋମବାର ଉକ୍ତ ନାବାଳିକା ଜଣକ ସକାଳୁ କେଉଁ ଆଡ଼େ ଯାଇ ଘରକୁ ଫେରିନଥିଲେ ।
ଏହାର ଦୁଇ ଦିନ ପରେ ଗାଁ ନିକଟ ଜଙ୍ଗଲ ର କିଛି ଦୂରରେ ଗୋଟିଏ ଗଛ ରେ ଝୁଲନ୍ତା ଅବସ୍ଥାରେ କିଛି ଲୋକେ ଦେଖିବା ପରେ ପରିବାରକୁ ଖବର ଦେଇଥିଲେ । ପରେ ମୃତା ନାବାଳିକା ର ବାପା ଗୋପି ଦୀଗାଲ ଗୋଛାପଡ଼ା ଥାନାରେ ଏ ସଂକ୍ରାନ୍ତରେ ଜଣାଇଥିଲେ । ଘଟଣାସ୍ଥଳରେ ପୁଲିସ ପହଞ୍ଚି ଶବକୁ ଉଦ୍ଧାର କରିବା ସହ ଗୋଛାପଡ଼ା ଥାନାରେ ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ବ୍ୟବଚ୍ଛେଦ ପାଇଁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିବା ଗୋଛା ପଡ଼ା ଥାନା ଅଧିକାରୀ ରଞ୍ଜିତ କୁମାର ମୁନି ସୂଚନା କହିଛନ୍ତି ।
