ଜୟପୁର: ଚଳିତମାସ ୨୫ରେ ରାଜସ୍ଥାନ ବିଧାନସଭାର ୨୦୦ ଆସନ ପାଇଁ ଗୋଟିଏ ପର୍ଯ୍ୟାୟରେ ଭୋଟଗ୍ରହଣ କରାଯିବ । ଏହି ପରିପ୍ରେକ୍ଷୀରେ ବିଜେପି ନେତ୍ରୀ ତଥା ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ସିନ୍ଧିଆ ଶନିବାର ଝଲାୱାର ଜିଲ୍ଲାର ଝାଲରାପଟନ ଆସନରୁ ପ୍ରାର୍ଥିପତ୍ର ଦାଖଲ କରିଛନ୍ତି ।
ଶୁକ୍ରବାର ଏକ ନିର୍ବାଚନୀ ସଭାକୁ ସମ୍ବୋଧିତ କରିବା ଅବସରରେ ବସୁନ୍ଧରା କହିଛନ୍ତି ଯେ ସେ ରାଜନୀତିରୁ ଅବସର ଗ୍ରହଣ କରୁଛନ୍ତି ବୋଲି ସୋସିଆଲ ମିଡିଆରେ ପ୍ରବଳ ଚର୍ଚ୍ଚା ଚାଲିଥିଲା । ତେବେ ପ୍ରାର୍ଥିପତ୍ର ଦାଖଲ ପରେ ଏହି ଆଲୋଚନାର ପରିସମାପ୍ତି ଘଟିଛି । ଏବେମଧ୍ୟ ରାଜ୍ୟବାସୀଙ୍କ ସମର୍ଥନ ରହିଥିବାରୁ ଆଉ କିଛିବର୍ଷ ସେମାନଙ୍କର ସେବା କରିବାକୁ ପ୍ରସ୍ତୁତ ଥିବା ବସୁନ୍ଧରା କହିଛନ୍ତି ।
