ରାଞ୍ଚି : ଝାଡଖଣ୍ଡର ଦୁମୁକାରେ ଏକ ଲଜ୍ୟାଜନକ ଘଟଣା ଘଟିଛି । ପ୍ରାଟିକାଲ ପରୀକ୍ଷାରେ କାମ୍ ନମ୍ବର ରଖିବାରୁ ଫେଲ୍ ହୋଇଯାଇଥିବା ଅଭିଯୋଗ କରି ୧୧ ଜଣ ଛାତ୍ର ସେମାନଙ୍କ ଶିକ୍ଷକମାନଙ୍କୁ ଗଛରେ ବାନ୍ଧି ଦେଇଥିବା ଭିଡିଓ ଭାଇରାଲ୍ ହୋଇଛି । ଘଣ୍ଟା ଘଣ୍ଟା ସେମାନଙ୍କୁ ଗଛରେ ବାନ୍ଧି ମାଡ ମରାଯାଇଥିବା ଭିଡିଓରୁ ଜଣା ପଡିଛି ।
ଏହାପରେ ଝାଡଖଣ୍ଡର ଶିକ୍ଷା ବିଭାଗ ତଦନ୍ତ ନିର୍ଦେଶ ଦେଇଛି । ଦୋଷୀ ଛାତ୍ରମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ମିଳିଛି । ଶିକ୍ଷକମାନଙ୍କୁ ଗଛରେ ବନ୍ଧାଯିବା ଖବର ମିଳିବା ପରେ ପ୍ରଶାସନିକ ଅଧିକାରୀ ସେଠାରେ ପହଞ୍ଚି ସେମାନଙ୍କୁ ଉଦ୍ଧାର କରିଥିଲେ । ପରେ ସେମାନଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ଶିକ୍ଷକମାନେ ଥାନାରେ କୌଣସି ଅଭିଯୋଗ କରି ନଥିବା ବେଳେ ଘଟଣାର ତଦନ୍ତ କରାଯାଉଥିବା ସ୍ଥାନୀୟ ଶିକ୍ଷାଧିକାରୀ କହିଛନ୍ତି ।
