ନରସିଂହପୁର : ଯୁକ୍ତ ଦୁଇ ପରୀକ୍ଷା ବାତିଲ ଦାବିରେ ନରସିଂହପୁର ମହାବିଦ୍ୟାଳୟର ଛାତ୍ରଛାତ୍ରୀମାନେ ଆଜି କଟକ-ନରସିଂହପୁର ରାସ୍ତା ଅବରୋଧ କରିଛନ୍ତି । ରାସ୍ତା ଅବରୋଧ ଯୋଗୁ ଦୀର୍ଘ ସମୟ ଧରି ଗାଡିଚଳାଚଳ ବନ୍ଦ ରହିଛି । ଫଳରେ ରାସ୍ତାର ଦୁଇ ପାଶ୍ୱର୍ରେ ଶହ ଶହ ସଂଖ୍ୟାରେ ଗାଡି ଅଟକି ରହିଛି ।
ସୂଚନା ଅନୁଯାୟୀ, ଆଜି କଲେଜର ଛାତ୍ରଛାତ୍ରୀମାନେ +୨ ପରୀକ୍ଷା ବାତିଲ ଦାବିରେ ଏକତ୍ରିତ ହୋଇ ବିକ୍ଷୋଭ ପ୍ରଦର୍ଶନ କରିଛନ୍ତି । କଟକ-ନରସିଂହପୁର ରାସ୍ତାରେ ଛାତ୍ରଛାତ୍ରୀମାନେ ଗାଡିମୋଟର ଅଟକାଇବା ସହ ଟାୟାର ଜାଳି ବିକ୍ଷୋଭ ପ୍ରଦର୍ଶନ କରିଥିଲେ । ଯୁକ୍ତ ଦୁଇ ପରୀକ୍ଷାକୁ ବାତିଲ କରିବାକୁ ଦାବି କରାଯାଇଛି ।
