ନୂଆଦିଲ୍ଲୀ: ରକ୍ତ ସମ୍ପର୍କରେ ଲାଗିଲା ଦାଗ । ବାପା ସାଜିଲା ରାକ୍ଷାସ ।କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ଅଞ୍ଚଳରେ ଘଟିଛି ଏହି ଲଜ୍ୟାଜନକ ଘଟଣା । ଝିଅକୁ ରକ୍ଷା କରିବା ପରିବର୍ତ୍ତେ ଇଜ୍ଜତ୍ ଲୁଟୁଥିଲା ଅମଣିଷ । ନିଜ ୧୨ ବର୍ଷର ଝିଅକୁ ଦୁଷ୍କର୍ମ କରିଛି ବାପା । ଅଭିଯୁକ୍ତ ୫ ମାସ ତଳେ ସ୍ତ୍ରୀ ଓ ଝିଅକୁ ନେଇ କେରଳ କାମ କରିବାକୁ ଯାଇଥିଲା।
ସେଠାରେ ଏକ ମାସ ରହିବା ପରେ ଝିଅକୁ ଦୁଷ୍କର୍ମ କରିବା କଥା ପତ୍ନୀ ଜାଣିପାରି ଘରକୁ ଚାଲି ଆସିଥିଲେ। ହେଲେ ଏକଥା କାହା ଆଗରେ ପ୍ରକାଶ କରିନଥିଲେ। ଗତ ୭ ଦିନ ତଳେ ଅଭିଯୁକ୍ତ କେରଳରୁ ଫେରି ଘରକୁ ଆସି ପୁଣି ଝିଅକୁ ଦୁଷ୍କର୍ମ କରିଥିଲା। ଏନେଇ ସଂପୃକ୍ତ ନାବାଳିକା ଝିଅ ଜଣକ ଓ ତାଙ୍କ ମା ଲାଞ୍ଜିଗଡ଼ ଥାନାରେ ଅଭିଯୋଗ କରିବା ପରେ ପୋଲିସ ଅଭିଯୁକ୍ତ ବାପାଙ୍କୁ ଗିରଫ କରିଛି। ଉଭୟଙ୍କ ଡାକ୍ତରରୀମାଇନା କରାଯାଇଛି। ପରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ଜଣାପଡିଛି । ଏହାସହ ଘଟଣାର ଅଧିକ ତଦନ୍ତ ଜାରି ରଖିଛି ।
ସେହିପରି ମୟୂରଭଞ୍ଜ ଜିଲ୍ଲା ଉଦଳା ଥାନା ଅଞ୍ଚଳରେ ଏଭଳି ଏକ ଘଟଣା ଘଟିଥିଲା। ନାବାଳିକା ଝିଅକୁ ବର୍ଷ ତମାମ ଦୁଷ୍କର୍ମ କରୁଥିଲା ବାପା। ସାବତ ବାପାର ଏଭଳି କୁକର୍ମରେ ସାହାର୍ଯ୍ୟ କରୁଥିଲା ମାଆ । ଶେଷରେ ନିଜ ଜୀବନ ବଂଚାଇବା ପାଇଁ ପୋଲିସ୍ର ଦ୍ୱାରସ୍ଥ ହୋଇଥିଲା ନାବାଳିକା। ଉଦଳା ଥାନା ଅଂଚଳରେ ଜଣେ ନାବାଳିକାକୁ ତାହାର ସାବତ ବାପା ବାରମ୍ବାର ଦୁଷ୍କର୍ମ କରିଥିବା ନେଇ ଉଦଳା ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା ।
ପୋଲିସ୍ ଅଭିଯୁକ୍ତ ସାବତ ବାପା ଏବଂ ମାଆକୁ ଗିରଫ କରି କୋର୍ଟଚାଲାଣ କରିଛି। ସାବତ ବାପା ନାବାଳିକା ଝିଅକୁ ଏକ ବର୍ଷ ହେବ ଦୁଷ୍କର୍ମ କରି ଆସୁଥିବା ବେଳେ ଏ ବାବଦରେ କାହାକୁ ଜଣାଇଲେ ଜୀବନରୁ ମାରିଦେବାର ଧମକ ମଧ୍ୟ ଦେଇ ଆସୁଥିଲା । ପୋଲିସ୍ ନାବାଳିକା ଝିଅକୁ ଉଦ୍ଧାର କରି ସୁଧାର ଗୃହକୁ ପଠାଇଛି। ଏହାସହ ଘଟଣାର ଅଧିକ ତଦନ୍ତ ଜାରି ରଖିଛି ।
