କଲମ୍ବୋ : ଶ୍ରୀଲଙ୍କା ରାଷ୍ଟ୍ରପତି ରାନିଲ୍ ୱିକ୍ରମସିଂଘେ କହିଛନ୍ତି, ଭାରତ ବିରୋଧରେ ତାଙ୍କ ଦେଶର ବ୍ୟବହାର କରାଯାଇପାରିବ ନାହିଁ । ବ୍ରିଟେନ୍ ଏବଂ ଫ୍ରାନ୍ସ ଯାତ୍ରା ପୂର୍ବରି ରାନିଲ୍ କହିଛନ୍ତି, ଚୀନ୍ ସହିତ ଶ୍ରୀଲଙ୍କା କୌଣସି ମିଲିଟାରୀ ଚୁକ୍ତି କରିବ ନାହିଁ ଏ ସମ୍ପର୍କରେ କେହି ସନ୍ଦେହ କରିବା ଉଚିତ ନୁହେଁ ।
ଏକ ସାକ୍ଷାତ୍କାରରେ ସେ କହିଛନ୍ତି, ଶ୍ରୀଲଙ୍କା ଓ ଚୀନ୍ ମଧ୍ୟରେ ମଜଭୁତ ସମ୍ବନ୍ଧ ରହିଛି । ତେବେ ଏହା ସ୍ପଷ୍ଟ କରିଦେବାକୁ ଚାହୁଁଛି ଯେ ଆମ ଦେଶରେ ଚୀନ୍ର କୌଣସି ମିଲିଟାରୀ ବେସ୍ ନାହିଁ କିମ୍ବା ଭବିଷ୍ୟତରେ ହେବ । କୌଣସି ଦେଶ ଭାରତ ବିପକ୍ଷରେ ଶ୍ରୀଲଙ୍କାର ବ୍ୟବହାର କରିପାରିବ ନାହିଁ । ସେହିପରି ଦେଶର ଅର୍ଥନୀତିକୁ ଶୀଘ୍ର ଟ୍ରାକ୍କୁ ଫେରାଇ ଅଣାଯିବ ବୋଲି ସେ ଦୃଢ଼ୋକ୍ତ ପ୍ରକାଶ କରିଛନ୍ତି ।
