କଲମ୍ବୋ: ଆର୍ଥିକ ସଙ୍କଟରେ ଜୁଝି ହେଉଥିବା ଶ୍ରୀଲଙ୍କାରେ ଏବେ ବିଭିନ୍ନ ସ୍ଥାନରେ ଲୋକେ ବର୍ତ୍ତମାନର ସରକାରକୁ କଡ଼ା ସମାଲୋଚନା କରିବାରେ ଲାଗିଛନ୍ତି । ଦରଦାମ ବୃଦ୍ଧି ତଥା ଖାଦ୍ୟାଭାବ ପାଇଁ ଅସନ୍ତୋଷର ବହ୍ନି ଦେଖିବାକୁ ମିଳିଛି । ଫଳରେ ବିଭିନ୍ନ ସ୍ଥାନରେ ଲୋକେ ଧାରଣା ଦେବା ସହ ଜଳାପୋଡ଼ା କରୁଛନ୍ତି । ସେପଟେ ଶ୍ରୀଲଙ୍କାର ଆର୍ଥିକ ସ୍ଥିତିକୁ ଫେରାଇ ଆଣିବା ପାଇଁ ଭାରତ ନିରନ୍ତର ସାହାଯ୍ୟ କରିଚାଲିଛି । ତେବେ ଏହି ସବୁ ଅସୁବିଧା ମଧ୍ୟରେ, ଖୁସି ଖବର ହେଉଛି ଯେ ଅର୍ଥନୈତିକ ସଙ୍କଟ ବାହାନାରେ ସେଠାକାର ଲୋକମାନେ ଜାତି ଧର୍ମର କାନ୍ଥ ଭାଙ୍ଗି ଏକତ୍ରିତ ହୋଇଛନ୍ତି। ସିହ୍ନା, ତାମିଲ ଏବଂ ମୁସଲମାନମାନେ ଏକଜୁଟ ହୋଇ ରାଜପକ୍ଷ ସରକାରକୁ କଡ଼ା ସମାଲୋଚନା କରିଛନ୍ତି ।
ଶ୍ରୀଲଙ୍କାର ଏକ ନୂତନ ପିଢ଼ି ରାଜପକ୍ଷ ପରିବାର ଉପରେ ରାଗ ସୁଝାଇବାକୁ ସଜବାଜ ହେଉଛନ୍ତି । ବିଶେଷ କଥା ହେଉଛି ଏମାନେ ଶ୍ରୀଲଙ୍କାର ଜାତିଗତ ବିଭାଜନକୁ ଅଣଦେଖା କରିଛନ୍ତି। ଶ୍ରୀଲଙ୍କାର ଲୋକଙ୍କ ମଧ୍ୟରେ ଦୀର୍ଘ ଦିନ ଧରି ଏକ ଜାତିଗତ ଭତଭେଦ ରହିଆସିଛି । କିନ୍ତୁ ଏହି ସମସ୍ୟାକୁ ସମୂଳେ ଶେଷ କରିବା ପାଇଁ ଉଭୟ ଗୋତବାୟା ରାଜପକ୍ଷ ଏବଂ ତାଙ୍କ ଭାଇ ମହିନ୍ଦା କୌଣସି ପଦକ୍ଷେପ ଗ୍ରହଣ କରିନାହାନ୍ତି । ୨୦୦୯ ରେ ଗୃହଯୁଦ୍ଧ ଶେଷ ହେବା ପରେ ମଧ୍ୟ ଏହାକୁ ପ୍ରୋତ୍ସାହିତ କରାଯାଇଥିଲା । ଇଂରାଜୀ ଖବରକାଗଜ ଇଣ୍ଡିଆନ ଏକ୍ସପ୍ରେସ ଅନୁଯାୟୀ, ‘ଆମେ ଶ୍ରେଣୀ ଦ୍ୱାରା ବିଭକ୍ତ ନୁହଁ, ଜାତି ଦ୍ୱାରା ବିଭାଜିତ ନୁହଁ’ ବୋଲି ସ୍ଲୋଗାନ୍ ଦେଇ ବିକ୍ଷୋଭକାରୀ ଠାଏ ଠାଏ ବିକ୍ଷୋଭ କରିବାରେ ଲାଗିଛନ୍ତି ।
ଅପରପକ୍ଷେ ତାମିଲ ସାଂସଦ ଏମ.ଏ ସୁମନ୍ତୀରନ ଭାରତ ସରକାରଙ୍କ ସହାୟତା ଓ ସହଯୋଗକୁ କୃତଜ୍ଞତା ଜଣାଇ ଥିବାବେଳେ ତାମିଲ୍ନାଡ଼ୁ ମୁଖ୍ୟମନ୍ତ୍ରୀଙ୍କ ସହଯୋଗକୁ ମଧ୍ୟ ସ୍ୱାଗତ କରିଛନ୍ତି । କିନ୍ତୁ ତାମିଲ୍ନାଡ଼ୁ ମୁଖ୍ୟମନ୍ତ୍ରୀ ଏମ୍କେ ଷ୍ଟାଲିନ୍ କେବଳ ଶ୍ରୀଲଙ୍କାରେ ରହୁଥିବା ତାମିଲ୍ ଭାଷାଭାଷୀ ଲୋକଙ୍କୁ ସହାୟତା କରୁଥିବାରୁ ସେ ଏହାକୁ ନିନ୍ଦା କରିଛନ୍ତି । କାରଣ ଶ୍ରୀଲଙ୍କାରେ ଏବେ କେବଳ ତାମିଲ ଭାଷାଭାଷୀ ନୁହନ୍ତି ସମସ୍ତ ଶ୍ରୀଲଙ୍କା ବାସୀ ଆର୍ଥିକ ସଙ୍କଟ ଭୋଗ କରୁଛନ୍ତି । ଏଭଳି ସ୍ଥିତିରେ ତାମିଲନାଡ଼ୁ ମୁଖ୍ୟମନ୍ତ୍ରୀଙ୍କ ଏକପାଖିଆ ସହାୟତାକୁ ସେ କଟାକ୍ଷ କରି କହିଛନ୍ତି ଯେ, ଅତୀତକୁ ଓଲଟପାଲଟ କରିବା ପାଇଁ ବର୍ତ୍ତମାନ ଏକ ସୁଯୋଗ ପ୍ରଦାନ କରୁଛି। ସେଥିପାଇଁ ସେ ଶ୍ରୀଲଙ୍କାରେ ବାସ କରୁଥିବା କେବଳ ତାମିଲଭାଷାଭାଷୀଙ୍କୁ ଖାଦ୍ୟ ଏବଂ ଅନ୍ୟାନ୍ୟ ଆବଶ୍ୟକୀୟ ସାମଗ୍ରୀ ପଠାଉଛନ୍ତି ।
ଶନିବାର ଦିନ କଲମ୍ବୋର ଗାଲ୍ ଫେସରେ ହଜାର ହଜାର ଲୋକ ଏକତ୍ରିତ ହୋଇଥିଲେ ଜ୍ଝ ଜଣେ ଓକିଲ କହିଛନ୍ତି, “ଆମେ ଏଠାରେ ଦେଖାଇବାକୁ ଆସିଛୁ ଯେ ଲୋକମାନେ ଏକାଠି ଅଛନ୍ତି ଏବଂ ଏହି ଦୁର୍ନୀତି ଜାରି ରହିପାରିବ ନାହିଁ। ପ୍ରଥମେ ରାଜପକ୍ଷଙ୍କୁ ତାଙ୍କ ଗାଦି ଛାଡ଼ିବାକୁ ପଡ଼ିବ ଏବଂ ପରେ ଦେଶ ଏକ ଦୀର୍ଘ ନିଶ୍ୱାସ ନେବାକୁ ସକ୍ଷମ ହେବ।
ଶ୍ରୀଲଙ୍କାର ମୁଖ୍ୟ ବିରୋଧୀ ଦଳ ଏସଜେବି ଶୁକ୍ରବାର ଘୋଷଣା କରିଛି ଯେ ଯଦି ଆର୍ଥିକ ସଙ୍କଟର ସମ୍ମୁଖୀନ ହେବାକୁ ଥିବା ଜନସାଧାରଣଙ୍କ ସମସ୍ୟାର ସମାଧାନ ପାଇଁ ପଦକ୍ଷେପ ନ ନିଅନ୍ତି ତେବେ ରାଷ୍ଟ୍ରପତି ଗୋତାବାୟାଙ୍କ ବିରୋଧରେ ଏକ ଆତ୍ମବିଶ୍ୱାସ ପ୍ରସ୍ତାବ ଅଣାଯିବ । ସେହିପରି ରାଷ୍ଟ୍ରପତି ତଥା ସମଗ୍ର ରାଜପକ୍ଷ ପରିବାରର ଇସ୍ତଫା ଦାବିରେ ଦ୍ୱୀପପୁଞ୍ଜରେ ଚାଲିଥିବା ଜନ ବିରୋଧକୁ ବିରୋଧୀ ଦଳ ସମର୍ଥନ କରୁଛନ୍ତି। ବିଭିନ୍ନ ବର୍ଗର ହଜାର ହଜାର ଲୋକ ପ୍ରଦର୍ଶନରେ ସାମିଲ ହୋଇଛନ୍ତି । ସେପଟେ ଇସ୍ତଫା ଦେବା ଦାବିକୁ କିନ୍ତୁ ରାଜପକ୍ଷ ଗ୍ରହଣ କରିବାକୁ ମନା କରି ଦେଇଛନ୍ତି ।
ଶ୍ରୀଲଙ୍କା ଅର୍ଥନୈତିକ ସଙ୍କଟ: ଜାତି-ଧର୍ମ ଭୁଲି ବିଦ୍ରୋହ ପାଇଁ ଏକ୍ଜୁଟ୍ ହେଉଛନ୍ତି ଜନତା
