ଦୁବାଇ ଯାଉଥିଲା, କରାଚିରେ ଓହ୍ଲାଇଲା

ନୂଆଦିଲ୍ଲୀ : ପୁଣି ଏକ ସ୍ପାଇସ ଜେଟ ବିମାନର ଜରୁରୀ ଅବତରଣ । ଦିଲ୍ଲୀ ରୁ ଦୁବାଇ ଯାଉଥିବା ବିମାନ କରାଚିରେ ଓହ୍ଲାଇଲା । ବିମାନର ସମସ୍ତ ଯାତ୍ରୀ , କ୍ରିଉ ମେମ୍ବର ସୁରକ୍ଷିତ ଥିବା ସୂଚନା । ତେବେ ଜରୁରୀ ନୁହେଁ , ସାଧାରଣ ଲ୍ୟାଣ୍ଡିଂ ଥିବା କହିଲା ସ୍ପାଇସ ଜେଟ । ବିମାନର ଇଣ୍ଡିକେଟର କାମ ନ କରିବାରୁ କରାଚିକୁ ଡାଇଭର୍ଟ କରାଯାଇଥିଲା । ବିମାନଟିକୁ ସୁରକ୍ଷିତ ଭାବେ ଅବତରଣ କରାଯାଇଛି ଓ ଏଯାବତ୍ କୌଣସି ଜରୁରୀକାଳୀନ ପରିସ୍ଥିତି ଘୋଷଣା କରାଯାଇ ନାହିଁ ବୋଲି ବିମାନ ଏୟାର୍‌ଲାଇନ୍ସ ପକ୍ଷରୁ ସୂଚନା ଦିଆଯାଇଛି। ଉକ୍ତ ବିମାନରେ ଥିବା ଯାତ୍ରୀମ‌ାନଙ୍କ ପାଇଁ କରାଚିକୁ ଅନ୍ୟ ଏକ ବିମାନ ପଠାଯାଉଛି। ଯାତ୍ରୀମାନେ ସେହି ବିମାନ ଯୋଗେ ଦୁବାଇ ଯିବେ । ବେସାମରିକ ବିମାନ ଚଳାଚଳ ବିଭାଗ ପକ୍ଷରୁ କୁହାଯାଇଛି କି ବିମାନଟିରେ ଇନ୍ଧନ ଲିକ୍ ହୋଇ ଇନ୍ଧନ ପରିମାଣ ଅସ୍ବାଭାବିକ ଭାବେ ହ୍ରାସ ପାଇବାରୁ ପାଇଲଟ୍ ବାଧ୍ୟ ହୋଇ ବିମାନଟିକୁ କରାଚୀ ଆଡ଼େ ମୋଡ଼ି ନେଇ ଜରୁରୀକାଳାଳୀନ ଅବତରଣ କରାଇଥିଲେ। ମାତ୍ର ବିମାନରୁ ତୈଳ ଲିକ୍ ହୋଇଛି ବୋଲି ଏଯାଏ ସ୍ପଷ୍ଟ ହୋଇ ପାରିନାହିଁ।