ମା’ ସହ ସାମାନ୍ୟ ପାଟିତୁଣ୍ଡ ପରେ ପୁଅ ଯାହା କଲା ଜାଣିଲେ ଆଶ୍ଚର୍ଯ୍ୟ ହେବେ

ମେରଠ : ଯେଉଁ ମା’ ଦିନେ ପୁଅକୁ ଖୁଆଇ ପିଆଇ ବଡ଼ କରିଥିଲା , ଆଜି ସେହି ମା’କୁ ହତ୍ୟା କଲା ପୁଅ । ଏପରି ଏକ ଦୁଃଖଦ ଘଟଣା ଉତ୍ତରପ୍ରଦେଶ ମୋଠ ଅନ୍ତର୍ଗତ କିଶୋରପୁର ଗାଁ ଅଞ୍ଚଳରେ ଘଟିଛି । ମା’କୁ ଗୁୂଳି କରି ହତ୍ୟା କରିଛି ପୁଅ । ହତ୍ୟାର କାରଣ ରହିଛି ମା’ପୁଅ ମଧ୍ୟରେ ଘରୋଇ ହିଂସା । ସୂଚନା ପାଇବା ପରେ ମହିଳାଙ୍କ ହତ୍ୟାକାରୀ ପୁଅକୁ ପୁଲିସ୍ ଗିରଫ କରିଛି । ହସ୍ତିନାପୁର ଥାନା ଅଧିକାରୀ ଅବିନାଶ ପାଣ୍ଡେ କହିଛନ୍ତି ଯେ , ମୃତ ମହିଳା ଙ୍କ ନାମ ବବ୍ ଲୀ । ବୟସ ୫୦ । ଅଜ୍ଞାତ ଆକ୍ରମଣ ପରେ ଆଜି ସକାଳେ ବବ୍‌ଲିଙ୍କୁୁ ହତ୍ୟା କରାଯାଇଥିଲା । ହତ୍ୟାର ସୂଚନା ପାଇବା ପରେ ଘଟଣାସ୍ଥଳରେ ପୋଲିସ୍ ଓ ଫରେନସିକ ଟିମ୍ ପହଁଚି ତଦନ୍ତ ଆରମ୍ଭ କରିଛନ୍ତି । ତଦନ୍ତ ସମୟରେ ହତ୍ୟାକାରୀ ପୁଅ ସବୁ ସତ ସତ ମାନି ଘରେ ପାଟିତୁଣ୍ଡ ପରେ ମା’କୁ ହତ୍ୟା କରିଥିବା ମାନିଥିଲା । ଏହା ପରେ ପୁଲିସ୍ ଅଭିଯୁକ୍ତ ପୁଅ ବିଶାଳକୁ ଗିରଫ କରିଥିଲେ । ଥାନାରେ ଅଧିକ ପଚରାଉଚୁରା ପରେ ବିଶାଳ ଆଉ କିଛି ଅଧିକ ତଥ୍ୟ ଦେଇଥିଲା । ପୂର୍ବରୁ ୨୦୧୮ ମସିହାରେ ଫୁଗାନା ଥାନା ଅନ୍ତର୍ଗତ ଲାଖ ଗାଁରେ ବିନୟ ମଲିକଙ୍କ ହତ୍ୟା ଅଭିଯୋଗରେ ବିଶାଳକୁ ଜେଲ ହୋଇଥିଲା । ସେ ଏବେ ବେଲ୍‌ରେ ଘରକୁ ଆସିଥିଲା । ପୂର୍ବରୁ ସେ କରିଥିବା ହତ୍ୟା କିଶୋରପୁର ଗାଁର ଶିକ୍ଷକ ବୃଜେଶ୍‌ଙ୍କ କହିବା ଅନୁଯାୟୀ କରିଥିଲା । ଏବେ ମଧ୍ୟ ନିଜ ମା’ ର ହତ୍ୟା ସେହି ଶିକ୍ଷକଙ୍କ କଥାରେ ପଡ଼ି କରିଛି ବୋଲି ବିଶାଳ କହିଥିଲା । ଏହା ପରେ ଉକ୍ତ ଶିକ୍ଷକଙ୍କୁ ତଦନ୍ତ ପରିସରଭୁକ୍ତ କରାଯାଇଛି ବୋଲି ଥାନା ଅଧିକାରୀ ଅବିନାଶ ପାଣ୍ଡେ କହିଛନ୍ତି ।