ଏଲଓସିରେ ଖଞ୍ଜାଗଲା ସ୍ମାର୍ଟ ତାରବାଡ଼

ଜମ୍ମୁ : ଭାରତୀୟ ସେନା ପକ୍ଷରୁ ପାକିସ୍ତାନ ସଂଲଗ୍ନ ନିୟନ୍ତ୍ରଣ ରେଖା (ଏଲଓସ)ରେ ସ୍ମାର୍ଟ ତାରବାଡ ନିର୍ମାଣ କରାଯାଇଛି । ଅନୁପ୍ରବେଶ ରୋକିବା ନିମନ୍ତେ ସ୍ୱତନ୍ତ୍ରଭାବେ ନିର୍ମିତ ଏହି ତାରବାଡରେ ସେନ୍‌ସର ଓ ସିସିଟିଭି ଖଞ୍ଜାଯାଇଛି । ଏହାଦ୍ୱାରା ଅନୁପ୍ରବେଶକାରୀଙ୍କ ଉପରେ ତୀକ୍ଷ୍ଣ ନଜର ରଖାଯିବା ସହ ସେମାନଙ୍କର ମନ୍ଦ ଉଦ୍ଦେଶ୍ୟକୁ ଅକାମୀ କରାଯାଇପାରିବ ବୋଲି ନର୍ଦନ କମାଣ୍ଡ ସେନା ମୁଖ୍ୟାଳୟର ଲୋକସମ୍ପର୍କ ଅଧିକାରୀ ଲେଫ୍ଟନାଣ୍ଟ କର୍ଣ୍ଣେଲ ସୁନିଲ ବର୍ତୱାଲ କହିଛନ୍ତି । ଶକ୍ତିଶାଳୀ ସେନ୍‌ସର ଓ ସିସିଟିଭି ଲାଗିବାଫଳରେ ଏଲଓସିରେ ସାମାନ୍ୟତମ ହଲଚଲ ହେଲେ, ଏହା ତୁରନ୍ତ ପ୍ରହରାରତ ଯବାନଙ୍କୁ ସତର୍କ କରାଇବ ।