ନୟାଗଡ଼ : ପରୀ ହତ୍ୟା ମାମଲାରେ ଯଦୁପୁର ଗାଁର ସରୋଜ ସେଠୀ , ତାଙ୍କ ମା’ ଓ ଭଉଣୀକୁ ଆଜି ସକାଳେ ଏସଆଇଟି ଉଠାଇ ନେଇଛି । ଏହା ସହ ସରୋଜ ସେଠୀଙ୍କୁ ତୃତୀୟ ଥର ଉଠାଯାଇଛି । ପ୍ରଥମେ ତିନି ଜଣଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ ନିଆଯାଇ ଯାଞ୍ଚ ପରେ ପଚାରାଉଚରା ପାଇଁ ନିଆଯିବ ବୋଲି ସୂଚନା ମିଳିଛି । ପୂର୍ବରୁ ସରୋଜ ସେଠୀ ସଙ୍ଗୀନ ଅଭିଯୋଗ ଆଣିଥିଲେ ଯେ ଏସଆଟି ମୁଖ୍ୟ ଅରୁଣ ବୋଥ୍ରା ତାଙ୍କୁ ପରୀ ହତ୍ୟାର ଦୋଷ ମୁଣ୍ଡାଇବାକୁ ୫ ଲକ୍ଷ ଟଙ୍କା ଯାଚିଥିଲେ । କିନ୍ତୁ ସେ କିଛି ଜାଣି ନାହାନ୍ତି ବୋଲି କହିଥିଲେ । ତାଙ୍କ ପରିବାରକୁ କିଛି ହେଲେ ଅରୁଣ ବୋଥ୍ରା ଦାୟୀ ରହିବେ ବୋଲି ସେ କହିଛନ୍ତି । ତେବେ ମୃତ୍ୟୁର ପୁର୍ବ ଦିନ ପରୀ ସରୋଜଙ୍କ ଘରକୁ ଆସିଥିବାରୁ ସରୋଜ ହିଁ ପରୀର ହତ୍ୟାକାରୀ ବୋଲି ସନ୍ଦେହ କରୁଛନ୍ତି ଅରୁଣ ବୋଥ୍ରା । ସେଥିପାଇଁ ସେ ସରୋଜଙ୍କ ରକ୍ତ ,ନାଳ ଓ ପ୍ୟାଣ୍ଟ ସାର୍ଟର ନମୁନା ମଧ୍ୟ ନେଇଛନ୍ତି । ଏହି ସୂଚନାପରେ ଗଣ ମାଧ୍ୟମରେ ଚର୍ଚା ଜୋର ଧରିଥିଲା । ତେବେ ଆଜି ପଚରାଉଚରା ପାଇଁ ଏସଆଇଟି ପୁଣି ଥରେ ସରୋଜଙ୍କୁ ଉଠାଇଛି ।
