ଭୁବନେଶ୍ୱର: ରାଜଧାନୀରେ ପୁଣି ଫୁଟିଲା ଅପରାଧୀଙ୍କ ବନ୍ଧୁକ । ଝାରପଡ଼ା ଅଞ୍ଚଳରେ ଜଣେ ଯୁବକଙ୍କୁ ଅତର୍କିତ ଭାବେ ଗୁଳିମାଡ଼ ହୋଇଛି । ଗୁଳିମାଡରେ ଦୁଇ ଜଣ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ଜଗନ୍ନାଥ ନଗର ଲେନ ୱାନ ସ୍ଥିତ ପ୍ରଜାପତି ମଣ୍ଡପ ସମ୍ମୁଖରେ, କାର ସାଇଟ୍ ମରାକୁ ନେଇ ଗଣ୍ଡଗୋଳ ଓ ଉଭୟଙ୍କ ଭିତରେ ବଚସା ହୋଇଥିଲା । ପ୍ରଭାତ ମାର୍ଥା ନାମକ ଯୁବକ ଦୁଇଟି ବନ୍ଧୁକ ଧରି ପୁଲିସ ସମ୍ମୁଖରେ ଗୁଳିମାଡ଼ କରିଥିବା ଅଭିଯୋଗ କରିଛନ୍ତି ଶ୍ରୀଧର ଜେନା ।
ଅଭିଯୋଗ ଅନୁସାରେ, ପ୍ରଭାତ ଦୁଇଟି ବନ୍ଧୁକ ଧରି ୧୨ ରାଉଣ୍ଡ ଗୁଳି ମାଡ଼ କରିଥିଲା । ଶ୍ରୀଧର ଜେନାଙ୍କ ଭାଇ ଶିଖର ଜେନାଙ୍କ ବାମ ପଟ ଗୋଡ଼ରେ ଓ ତାଙ୍କ ସାନ ପୁଅ ଆଲୋକ ଜେନାଙ୍କ ଡାହାଣ ପଟ ଗୋଡ଼ରେ ଗୁଳି ବାଜିଛି । ଗୁରୁତର ଅବସ୍ଥାରେ ଉଭୟଙ୍କୁ ହସ୍ପିଟାଲରେ ଭର୍ତି କରାଯାଇଛି ଓ ଜଣେ ଅଟକ ରହିଛି । ଗୋଟିଏ ବନ୍ଧୁକ ଜବତ ହୋଇଛି । ଆଉ ଏକ ବନ୍ଧୁକ ନେଇ ଅଭିଯୁକ୍ତ ଫେରାର ହୋଇଯାଇଛି । ଖବର ପାଇ ଘଟଣାସ୍ଥଳରେ ଲକ୍ଷ୍ମୀସାଗର ଥାନା ପୁଲିସ ତଦନ୍ତ ଜାରି ରଖିଛି । ଅଭିଯୁକ୍ତମାନଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ କରୁଛି । ୨ ଜଣଙ୍କୁ ଉଠାଇ ନେଲା ଲକ୍ଷ୍ମୀସାଗର ଥାନା ପୁଲିସ । ରାଜନୈତିକ ଶତ୍ରୁତାରୁ ଏହି ଗୁଳିମାଡ଼ ହୋଇଥିବା ସନ୍ଦେହ କରାଯାଉଛି ।
ରାଜଧାନୀରେ ଗୁଳିକାଣ୍ଡ ଘଟଣା : ୨ଜଣଙ୍କୁ ଉଠାଇ ନେଲା ଲକ୍ଷ୍ମୀସାଗର ପୋଲିସ
