ବର୍ଲିନ: ଜର୍ମାନୀରେ ଦୁର୍ବୃତ୍ତଙ୍କ ଅତର୍କିତ ଗୁଳିମାଡ । ଫଳରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଥିବା ସୂଚନା ମିଳିଛି । ଉତ୍ତର ଜର୍ମାନୀର ହାମବର୍ଗ ସହରରେ ଥିବା ଏକ ଚର୍ଚ୍ଚରେ ଏପରି ଗୁଳିକାଣ୍ଡ ଘଟିଥିବା ଜଣାପଡିଛି । ସମସ୍ତ ଆହତକୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି ।
ପୋଲିସ ପକ୍ଷରୁ କୁହାଯାଇଛି କି, “ଜର୍ମାନୀର ଦ୍ୱିତୀୟ ବଡ ସହରର ଗ୍ରୋସ୍ ବୋର୍ଷ୍ଟେଲ୍ ଜିଲ୍ଲାରେ ଗୁଳି ବିନିମୟ ହୋଇଥିବା ଆମକୁ ଖବର ମିଳିଥିଲା । ଏଠାରେ ଅନେକ ଲୋକଙ୍କର ମୃତ୍ୟୁ ହୋଇଛି । ଅନେକ ଲୋକ ଆହତ ହୋଇଥିବା ବେଳେ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ କିଏ ଏହି ଗୁଳିକାଣ୍ଡ ଘଟାଇଲା ସେନେଇ ତଦନ୍ତ ଆରମ୍ଭ ହୋଇଛି । ଖୁବ୍ ଶୀଘ୍ର ଗୁଳିକାଣ୍ଡ ଘଟାଇଥିବା ଦୁର୍ବୃତ୍ତଙ୍କୁ ଗିରଫ କରାଯିବା ସହ ଏହାର କାରଣ ମଧ୍ୟ ସାମ୍ନାକୁ ଆସିବ । ଏନେଇ ଅଧିକ ସୂଚନାକୁ ଅପେକ୍ଷା କରାଯାଇଛି। ”
