ନୂଆଦିଲ୍ଲୀ: ଏନ୍ସିପି ନେତା ଶରଦ ପୱାର ଶୁକ୍ରବାର କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜ୍ଜୁନ୍ ଖଡ୍ଗେ ଓ ନେତା ରାହୁଲ ଗାନ୍ଧୀଙ୍କୁ ଭେଟିଛନ୍ତି । ସୂତ୍ର ଅନୁସାରେ ଇଣ୍ଡିଆନ୍ ନାସ୍ନାଲ୍ ଡେଭେଲପ୍ମେଣ୍ଟ୍ ଇନ୍କ୍ଲୁସିଭ୍ ଆଲାଏନ୍ସ (ଇଣ୍ଡିଆ)ର ପରବର୍ତ୍ତୀ ଯୋଜନା ପ୍ରସ୍ତୁତ ପାଇଁ ପୱାର୍ କଂଗ୍ରେସ ନେତାଙ୍କୁ ଭେଟିଛନ୍ତି ।
ଏହି ଅବସରରେ ତିନି ନେତା ବର୍ତ୍ତମାନର ରାଜନୈତିକ ସ୍ଥିତି ଏବଂ ମେଣ୍ଟ ସମ୍ବନ୍ଧୀୟ ପ୍ରସଙ୍ଗ ଉପରେ ଆଲୋଚନା କରିଥିଲେ । ଅକ୍ଟୋବରରେ ଭୋପାଳରେ ପ୍ରସ୍ତାବିତ ଇଣ୍ଡିଆ ମେଣ୍ଟର ମିଳିତ ରାଲି ରଦ୍ଦ ହେବାପରେ ଏହି ସାକ୍ଷାତକାର ଅନୁଷ୍ଠିତ ହୋଇଛି । ଉଦୟନିଧି ଷ୍ଟାଲିନ୍ ସମେତ ଡିଏମ୍କେ ନେତାମାନଙ୍କୁ ସନାତନ ଧର୍ମକୁ ନେଇ ଟିପ୍ପଣୀ ଉପରେ କଂଗ୍ରେସ ନେତା କମଳ ନାଥ ଆପତ୍ତି ଜଣାଇବା ପରେ ଏହି ରାଲିକୁ ହୋଇପାରି ନଥିଲା । ଏହା ପୂର୍ବରୁ ଖଡ୍ଗେ ଏବଂ ରାହୁଲଙ୍କୁ ଅଗଷ୍ଟ ୩୧ ଏବଂ ସେପ୍ଟେମ୍ବର ୧ ତାରିଖରେ ପୱାର୍ ଭେଟିଥିଲେ ।
