କେରଳ : କେରଳର ମଲ୍ଲପୁରମ ଠାରେ ଏକ ଅଭାବନୀୟ ଘଟଣା ସାମନାକୁ ଆସିଛି । ଜଣେ ୧୭ ବର୍ଷ ନାବାଳିକା ସହ ୩ ବର୍ଷ ହେବ ଲଗାତର ଭାବରେ ଦୁଷ୍କର୍ମ ହୋଇଆସୁଛି । ପିଡୀତାଙ୍କ ଅଭିଯୋଗ ଅନୁସାରେ ପରିବାର ବର୍ଗ ଓ ସଂମ୍ପର୍କିୟ ମିଶି ମୋଟ ୪୪ ଜଣ ଗତ ୩ ବର୍ଷ ହେବ ଝିଅଟି ସହ ଦୁଷ୍କର୍ମ କରୁଥିଲେ । ପୋଲିସ ଏହି ଘଟଣାକୁ ଗମ୍ଭିରତାର ସହ ନେଇ ଏକ ମାମଲା ରୁଜୁ କରିଛି ଓ ୨୦ ଜଣ ଆରେପୀଙ୍କୁ ଗିରଫ କରିଛି ।
ଏହି ଲଜ୍ଜ୍ୟାଜନକ ଘଟଣା ମଲ୍ଲପୁରମ ଜିଲ୍ଲାର ପଂଡିକାଦ ଥାନା ଇଲାକାରେ ଘଟିଛି । ପୋଲିସର ସୁଚନା ଅନୁସାରେ ପିଡୀତା ଅଭିଯୋଗ କରିବା ପରେ ୪୪ ଲୋକଙ୍କ ନାମରେ ମାମଲା ରୁଜୁ କରାଯାଇଛି । ୧୭ ବର୍ଷର ନାବାଳିକାକୁ ଏବେ ବାଳ ସମିତି ସଂରକ୍ଷଣ ରେ ରଖାଯାଇଛି । କାଉନସେଲିଙ୍ଗ ସମୟରେ ନାବାଳିକା ଜଣକ ନିଜ ଉପରେ ହୋଇଥିବା ଯୌନ ଶୋଷଣ ବିଷୟରେ କହିଥିଲା । ଏହା ପରେ ସମ୍ପୁର୍ଣ୍ଣ ଘଟଣା ସାମାନାକୁ ଆସିଛି ।
ପିଡୀତା ଜଣକ ୧୬୪ ସିଆରପିସି ଧାରା ଅନ୍ତର୍ଗତ ମାଜିଷ୍ଟ୍ରେଟଙ୍କ ପାଖରେ ବୟାନ ଦେଇଛି । ନାବାଳିକାର କହିବା ଅନୁସାରେ ୨୦୧୬ ଓ ୨୦୧୭ରେ ବହୁତ ଥର ତା’ ସହିତ ଦୁଷ୍କର୍ମ କରାଯାଇଥିଲା । ଯେତେବେଳ ସେ ୧୩ ବର୍ଷର ଥିଲା ସେତେବେଳେ ଝିଅଟି ସହ ଏହି ଦୁଷ୍କର୍ମ ଆରମ୍ଭ ହୋଇଥିଲା ।
ପୋଲିସ ସର୍କଲ ଇନିକ୍ସପେକ୍ଟର ମହମ୍ମଦ ହନିଫା ଏହି ମାମଲାରେ ୪୪ ଜଣ ଆରୋପୀଙ୍କ ମଧ୍ୟରୁ ୨୦ ଜଣଙ୍କ ଗିରଫ କରିଛନ୍ତି ଓ ବାକି ତଦନ୍ତ କରାଯାଇ ଆରୋପୀ ମାନଙ୍କୁ ଖୋଜାଯାଉଛି ବୋଲି ସୂଚନା ଦେଇଛନ୍ତି ।
