ମୁମ୍ୱାଇ – ବଲିଉଡ୍ ଅଭିନେତା ଅକ୍ଷୟ କୁମାର ଇଣ୍ଡଷ୍ଟ୍ରୀରେ ଆକ୍ଟିଭ୍ ରହିବା ସହ ସୋସିଆଲ ମିଡ଼ିଆରେ ମଧ୍ୟ ପ୍ରଶଂସକଙ୍କ ସହ ଯୋଡ଼ି ହୋଇ ରହିବାର ନଜର ଆସିଥାନ୍ତି । ନିକଟରେ ତାଙ୍କର ଅଦା ଶର୍ମାଙ୍କ ସହ ଏକ ନୂଆ ବିଜ୍ଞାପନ ରିଲିଜ୍ ହୋଇଛି। ଯେଉଁଥିରେ ଉଭୟ ହିଁ ଷ୍ଟାର୍ ଗରିଲା ସହ ସେଲଫି ନେବାର ଦେଖା ଯାଉଛି । ପ୍ରଶଂସକମାନେ ମଧ୍ୟ ଅକ୍ଷୟ ଓ ଅଦାଙ୍କୁ ଏକ ସ୍ୱତନ୍ତ୍ର ପ୍ରତିକ୍ରିୟା କରୁଛନ୍ତି । ସେମାନେ କହିଛନ୍ତି, ଅକ୍ଷୟ ନିଜର ଫିଲ୍ମ ହେରା ଫେରି ୩ ରେ ଏହି ଗରିଲାକୁ କାଷ୍ଟ କରିପାରିବେ , ଆଇଡିଆ ଖରାପ ନୁହେଁ ।
ଭିଡ଼ିଓର ଆରମ୍ଭ ହୁଏ ଅକ୍ଷୟ କୁମାରଙ୍କ ଠାରୁ , ଯିଏ ଏକ ଦୋକାନରେ କିଛି ଥଣ୍ଡା ପିଇବାକୁ ମାଗନ୍ତି । ଏହି ସମୟରେ ଏକ ଗରିଲା ସହରକୁ ଆକ୍ରମଣ କରିଦିଏ । ଆଖାପାଖର ଲୋକେ ଏପଟସେପଟ ଦୌଡ଼ିବାକୁ ଲାଗନ୍ତି, ଏତିକି ବେଳେ ଅଦା ଶର୍ମା, ଅକ୍ଷୟଙ୍କ ପାଖକୁ ଆସନ୍ତି ଏବଂ ସେ ଗରିଲା ସହ ତାଙ୍କର ଏକ ଫଟୋ ଉଠାଇବାକୁ କୁହନ୍ତି । ଅକ୍ଷୟ ତୁରନ୍ତ ସେହି ଥଣ୍ଡା ଡ୍ରିଙ୍କ୍ ପିଇ ଦେଇ ଅଦାଙ୍କୁ କୋଳେଇ ଧରି ଏକ ବିଲ୍ଡିଂର ଛାତକୁ ଚାଲିଯାଆନ୍ତି। ଯେମିତି ଅକ୍ଷୟ ଅଦାଙ୍କ ଫଟୋ କ୍ଲିକ୍ କରିବାକୁ ଯାଉଥିଲେ , ଅଦା ତାଙ୍କୁ ସେଲ୍ଫି ନେବାକୁ କହିଲେ । ଅକ୍ଷୟ ଗରିଲାକୁ ସିଟି ମାରି ଏପଟକୁ ଦେଖିବାକୁ କୁହନ୍ତି ଏବଂ ଗରିବା ବି ସେଲ୍ଫି ନେବାକୁ ପୋଜ୍ ଦିଏ ।
