ଅମୃତସର: ପାକିସ୍ତାନ ଜେଲ୍ରେ କଏଦୀ ଅବସ୍ଥାରେ ପ୍ରାଣ ହରାଇଥିବା ବହୁ ଚର୍ଚ୍ଚିତ ସରବଜିତ୍ ସିଂହଙ୍କ ପତ୍ନୀ ସୁଖପ୍ରୀତ କୌରଙ୍କର ସୋମବାର ସଡକ ଦୁର୍ଘଟଣାରେ ମୃତ୍ୟୁ ହୋଇଥିବା ଜଣାପଡିଛି । ସ୍କୁଟି ଚଳାଇ ଯାଉଥିବାବେଳେ ଫତେପୁର ନିକଟରେ ସେ ହଠାତ୍ ଗାଡିରୁ ଖସିପଡିଥିଲେ ।
ଗୁରୁତର ଅବସ୍ଥାରେ ଡାକ୍ତରଖାନା ନିଆଯାଇଥିବାବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୁନମ ଓ ସ୍ୱପନଦୀପ ନାମରେ ତାଙ୍କର ଦୁଇ କନ୍ୟା ଅଛନ୍ତି । ସରବଜିତ୍ଙ୍କୁ ଖଲାସ କରିବାକୁ ସେତେବେଳେ ଜୋରସୋର ଉଦ୍ୟମ କରିଥିବା ଭଉଣୀ ଦଲବୀର କୌରଙ୍କର ଚଳିତବର୍ଷ ଜୁନ୍ରେ ପରଲୋକ ଘଟିସାରିଛି । ୨୦୧୩ରେ ଲାହୋର ଜେଲ୍ରେ ଅନ୍ତେବାସୀଙ୍କ ଆକ୍ରମଣରେ ସରବଜିତ୍ଙ୍କର ମୃତ୍ୟୁ ଘଟିଥିଲା ।
