ବାରଙ୍ଗ: ନନ୍ଦନକାନନ ପ୍ରାଣୀ ଉଦ୍ୟାନରେ ୩୯ନମ୍ବର ଏନ୍କ୍ଲୋଜରରେ ଥିବା ଏକ ସମ୍ବର ଗୋଟିଏ ଶାବକ ଜନ୍ମ ଦେଇଛି । ସକାଳୁ ଯେତେବେଳେ ଜନ୍ତୁ ରକ୍ଷକ ଖୁଆଡରେ ସମ୍ବର ଶାବକଟି ଜନ୍ମ ହୋଇଥିବା ଦେଖିବାକୁ ପାଇଥିଲେ ସେ ନନ୍ଦନକାନନ କର୍ତ୍ତୃପକ୍ଷଙ୍କୁ ଖବର କରିଥିଲେ ।
ନନ୍ଦନକାନନ ମେଡିକାଲ ଅଫିସରମାନେ ସମ୍ବର ଖୁଆଡକୁ ଯାଇ ତାଙ୍କର ସ୍ୱାସ୍ଥ୍ୟ ପରୀକ୍ଷା ନିରୀକ୍ଷା କରିବା ପରେ ମା’ ଓ ଛୁଆ ଉଭୟ ସୁସ୍ଥ ଥିବାବେଳେ ସଠିକ ଭାବେ ବିଚରଣ କରୁଛନ୍ତି । ନବଜାତକର ଲିଙ୍ଗ ନିରୁପଣ ହୋଇପାରି ନଥିବା ଜଣାପଡ଼ିଛି । ଭାରତୀୟ ସମସ୍ତ ପ୍ରଜାତିର ହରିଣମାନଙ୍କ ମଧ୍ୟରେ ସର୍ବବ୍ୟହତ ଏହି ଜୀବର କାନ୍ଧ ଯାଏ ଉଚ୍ଚତା ୫ଫୁଟ ଓ ଦେହର ଓଜନ ୨୭୨କିଲୋ ଯାଏ ହୋଇଥାଏ ।
