ଲମତାପୁଟ : ପୁଣି ଲମତାପୁଟ ପୋଲିସକୁ ବଡ଼ ସଫଳତା। ଆନ୍ଧ୍ର ପ୍ରଦେଶରୁ ଛତିଶଗଡ ଗଞ୍ଜେଇ ଚୋରାଚାଲାଣ ବେଳେ କମେଲ ଗ୍ରାମ ନିକଟରୁ ୫୦ କେଜି ଗଞ୍ଜେଇ ଜବତ କରିଛି । ଏହି ଘଟଣାରେ ପୁଲିସ ଜଣଙ୍କୁ ଗିରଫ କରିଛି । ସୂଚନା ଅନୁଯାୟୀ, ଗଞ୍ଜେଇ ଚୋରାଚାଲାଣ ହେଉଥିବା କୌଣସି ସୂତ୍ରରୁ ଖବର ପାଇଥିଲା । ଏସଡିପିଓଙ୍କ ନେତୃତ୍ୱରେ ମାଛକୁଣ୍ଡ ଲମତାପୁଟ ପୋଲିସ କମେଲ ଗ୍ରାମ ନିକଟରେ ନାକାବନ୍ଦୀ କରିଥିଲା ।
ଦୃତ ଗତି ଆସୁଥିବା ଏକ କାରକୁ ଅଟକାଇଥିଲା । ଯାଞ୍ଚ କରିବାରୁ କାର ଡିକି ଭିତରୁ ଦୁଇ ବସ୍ତା ଗଞ୍ଜେଇ ମିଳିଥିଲା । ୨ଟି ବସ୍ତା ରେ ୫୦କେଜି ଗଞ୍ଜେଇ ଥିବାବେଳେ ଏହାର ମୂଲ୍ୟ ପ୍ରାୟ ୫ଲକ୍ଷ ଟଙ୍କା ହେବ । ଗିରଫ ଯୁବକ ପଟାଙ୍ଗୀ ବ୍ଲକ ସୁରିସପଦର ଗ୍ରାମର ଚନ୍ଦ୍ର ପଟ୍ଟନାୟକ। ସଂପୃକ୍ତ ଯୁବକ ଠାରୁ ବିଭିନ୍ନ ବ୍ୟାଙ୍କର ଏଟିଏମ୍ କାର୍ଡ ଗାଡି କାଗଜ ପତ୍ର ଜବତ କରିଛି ପୋଲିସ।
