ନୂଆଦିଲ୍ଲୀ: ଦେଶର ଅନ୍ୟତମ ଅଗ୍ରଣୀ କନ୍ଜ୍ୟୁମର ସାମଗ୍ରୀ ପ୍ରସ୍ତୁତକାରୀ କମ୍ପାନୀ ହିନ୍ଦୁସ୍ତାନ ୟୁନିଲିଭର ପକ୍ଷରୁ ରୋହିତ ଜାୱାଙ୍କୁ ନୂତନ ସିଇଓ ତଥା ପରିଚାଳନା ନିର୍ଦ୍ଦେଶକ (ଏମ୍ଡି) ନିଯୁକ୍ତ କରାଯାଇଛି । ସଞ୍ଜୀବ ମେହେଟ୍ଟାଙ୍କ ସ୍ଥାନରେ ରୋହିତଙ୍କୁ ନିଯୁକ୍ତି ଦିଆଯାଇଛି । ୨୦୨୩ ଜୁନ୍ ୨୭ରେ ସଞ୍ଜୀବ ଅବସର ନେବାପରେ ରୋହିତ ଆସନ୍ତା ୫ ବର୍ଷ ପର୍ଯ୍ୟନ୍ତ ଏହି ପଦରେ କାର୍ଯ୍ୟ କରିବେ ବୋଲି ଜଣାପଡିଛି ।
ରୋହିତ ବର୍ତ୍ତମାନ ଲଣ୍ଡନସ୍ଥିତ ୟୁନିଲିଭର କମ୍ପାନୀରେ ଟ୍ରାନ୍ସଫର୍ମେସନ ଚିଫ୍ଭାବେ କାର୍ଯ୍ୟରତ ଅଛନ୍ତି । ଚଳିତବର୍ଷ ଏପ୍ରିଲ ୧ରୁ ରୋହିତ ହିନ୍ଦୁସ୍ତାନ ୟୁନିଲିଭର ପରିଚାଳନା ମଣ୍ଡଳୀରେ ନିର୍ଦ୍ଦେଶକଭାବେ ଯୋଗଦେବେ ବୋଲି କମ୍ପାନୀ ପକ୍ଷରୁ କୁହାଯାଇଛି ।
