ଡକାୟତ ଯୋଜନା ଘଟଣା, ୩ ଫେରାର ଡକାୟତ କୋର୍ଟ ଚାଲାଣ

ବ୍ରହ୍ମପୁର: ସୁକୁଣ୍ଡା ମନ୍ଦିର ନିକଟ ଗୋଲାଗାଁ ରାସ୍ତାରେ ଥିବା ଏକ ଘଞ୍ଚ ଜଙ୍ଗଲ ମଧ୍ୟରେ ଡକାୟତ ଯୋଜନା ଘଟଣାରେ ବଡ଼ ବଜାର ପୁଲିସ ପୁଲିସ ୩ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ ବାବୁ ମହାନ୍ତି(୩୯), କୋମଳ୍ ପାତ୍ର(୨୬) ଓ ବଳରାମ ସାହୁ(୨୪)ଙ୍କୁ ଆଜି କୋର୍ଟ ଚାଲାଣ କରିଛି । ପୂର୍ବରୁ ଏହି ଘଟଣାରେ ପୁଲିସ ୬ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ସୂଚନାଯୋଗ୍ୟ ଯେ ସୂଚନାଯୋଗ୍ୟ ଯେ ଗତ ୨୦ ତାରିଖରେ ମଧ୍ୟ ରାତ୍ର ସମୟରେ ଅଭିଯୁକ୍ତମାନେ ଗୋଲାଗାଁ ନିକଟରେ ଥିବା ଏକ ଜଙ୍ଗଲ ମଧ୍ୟରେ ଡକାୟତ ପାଇଁ ଯୋଜନା କରୁଥିବାୟ ପୁଲିସ ସୂଚନା ପାଇଥିଲା । ଏହା ପରେ ବଡବଜାର ଥାନା ଅଧିକାରୀ ପ୍ରଶାନ୍ତ ଭୂପତି ଓ ତାଙ୍କ ଟିମ୍ ସହ ଘଟଣାସ୍ଥଳ ନିକଟରେ ପହଞ୍ଚି ଅତର୍କିତ ଭାବେ ଚଢଉ କରିଥିଲା । ସେଠାରୁ ପୁଲିସ ୬ଜଣ ଡ଼କାୟତକୁ କାବୁ କରିଥିବାରେ ସଫଳ ହୋଇଥିଲା । ଏହି ସମୟରେ ୩ରୁ ୪ ଜଣ ଘଟଣାସ୍ଥଳରୁ ଚମ୍ପଟ ମାରିଥିବା ନେଇ ଥାନା ଅଧିକାରୀ ଶ୍ରୀ ଭୂପତି ଅଭିଯୋଗ ପତ୍ରରେ ଉଲ୍ଳେଖ କରିଛନ୍ତି । ଘଟଣାସ୍ଥଳରୁ ପୁଲିସ ଗିରଫ ଯୁବକମାନଙ୍କ ଠାରୁ ଦୁଇଟି ବୋମା ଓ ମାରଣାସ୍ତ୍ର ଜବତ କରିଥିଲା । ସେମାନଙ୍କୁ ଜେରା ବେଳେ ସେମାନେ ଗୋଲାଗାଁର ଏକ ଘରେ ଡକାୟତ ଯୋଜନା କରିବା ପାଇଁ ଯୋଜନା କରୁଥିବା ପୁଲିସ ନିକଟରେ ସ୍ୱିକାର କରିଥିଲେ । ଆଜି ଉପରୋକ୍ତ ଅଭିଯୁକ୍ତ ମାନଙ୍କୁ ପୁଲିସ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ବେଳେ ଘଟଣାର ତଦନ୍ତ ଜାରି ରଖିଛି ।