ପ୍ରସିଦ୍ଧ ଜ୍ୟୋତିର୍ବିଜ୍ଞାନୀ ଜୟନ୍ତ ନାର୍ଲିକରଙ୍କର ପରଲୋକ

ନୂଆଦିଲ୍ଲୀ: ପ୍ରସିଦ୍ଧ ଜ୍ୟୋତିର୍ବିଜ୍ଞାନୀ, ବିଜ୍ଞାନ ଯୋଗାଯୋଗକାରୀ ଏବଂ ପଦ୍ମ ବିଭୂଷଣ ପୁରସ୍କାରପ୍ରାପ୍ତ ଜୟନ୍ତ ନାର୍ଲିକରଙ୍କର ମଙ୍ଗଳବାର ପୁଣେରେ ପରଲୋକ ହୋଇଛି। ପରିବାର ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଡାକ୍ତର ନାର୍ଲିକର ମଙ୍ଗଳବାର ଭୋର ସମୟରେ ଶୋଇଥିବା ଅବସ୍ଥାରେ ମୃତ୍ୟୁବରଣ କରିଛନ୍ତି। 87 ବର୍ଷ ବୟସରେ ସେ ପ୍ରାଣ ହରାଇଛନ୍ତି । ଏହି ସମସ୍ତ ପ୍ରୟାସ ପାଇଁ, ତାଙ୍କୁ 1996 ମସିହାରେ ୟୁନେସ୍କୋ ଦ୍ୱାରା ଲୋକପ୍ରିୟ ବିଜ୍ଞାନ କାର୍ଯ୍ୟ ପାଇଁ କଳିଙ୍ଗ ପୁରସ୍କାରରେ ସମ୍ମାନିତ କରାଯାଇଥିଲା । ଡକ୍ଟର ନାର୍ଲିକରଙ୍କୁ ୧୯୬୫ ମସିହାରେ ମାତ୍ର ୨୬ ବର୍ଷ ବୟସରେ ପଦ୍ମଭୂଷଣ ପ୍ରଦାନ କରାଯାଇଥିଲା। ୨୦୦୪ ମସିହାରେ ତାଙ୍କୁ ପଦ୍ମବିଭୂଷଣ ପ୍ରଦାନ କରାଯାଇଥିଲା ଏବଂ ମହାରାଷ୍ଟ୍ର ସରକାର ୨୦୧୧ ମସିହାରେ ତାଙ୍କୁ ରାଜ୍ୟର ସର୍ବୋଚ୍ଚ ନାଗରିକ ପୁରସ୍କାର, ମହାରାଷ୍ଟ୍ର ଭୂଷଣରେ ସମ୍ମାନିତ କରିଥିଲେ। ୨୦୧୪ ମସିହାରେ, ଭାରତର ପ୍ରମୁଖ ସାହିତ୍ୟିକ ସଂସ୍ଥା, ସାହିତ୍ୟ ଏକାଡେମୀ, ତାଙ୍କ ଆତ୍ମଜୀବନୀକୁ ଆଞ୍ଚଳିକ ଭାଷା (ମରାଠୀ) ଲେଖାରେ ସର୍ବୋଚ୍ଚ ପୁରସ୍କାର ପାଇଁ ଚୟନ କରିଥିଲା।