ମୁମ୍ଵାଇ: ନୂଆ ବର୍ଷ ୨୦୨୪ରେ ଅନେକ ବଲିଉଡ ସେଲିବ୍ରେଟ୍ ବିବାହ କରିବାକୁ ଯାଉଛନ୍ତି । ଜାନୁଆରୀ ପ୍ରଥମ ସପ୍ତାହରେ ଅମୀର ଖାନଙ୍କ ଝିଅ ରାନୀ ଇରା ଖାନ ତାଙ୍କ ପ୍ରେମିକ ନୁପୁର ଶିଖରଙ୍କୁ ବିବାହ କରିବାକୁ ଯାଉଛନ୍ତି। ବର୍ତ୍ତମାନ ଆଉ ଏକ କପଲଙ୍କ ବିବାହକୁ ନେଇ ଖବର ଆସିଛି । ଏହି କପଲ ଆଉ କେହି ନୁହଁନ୍ତି ସେ ହେଉଛନ୍ତି ରକୁଲ ପ୍ରୀତ ଏବଂ ଜ୍ୟାକି ଭାଗ୍ନାନୀ । ଦୁହେଁ ଶୀଘ୍ର ବିବାହ କରିବାକୁ ଯୋଜନା କରୁଛନ୍ତି। ଏବେ ଉଭୟଙ୍କ ବିବାହ ତାରିଖ ମଧ୍ୟ ପ୍ରକାଶ ପାଇଛି।
ରିପୋର୍ଟ ଅନୁଯାୟୀ, ରକୁଲ ଏବଂ ଜ୍ୟାକି ଫେବୃଆରୀ ୨୨ ଗୋଆରେ ବିବାହ କରୁଛନ୍ତି। ସେମାନେ ଏନେଇ କିଛି ସୂଚନା ଦେଇ ନାହାନ୍ତି । କାରଣ ଦୁହେଁ ଏହି ବିବାହକୁ ବ୍ୟକ୍ତିଗତ ରଖିବାକୁ ଚାହୁଁଛନ୍ତି। ସେମାନେ ବିବାହ ଉତ୍ସବରେ ବ୍ୟସ୍ତ ହେବା ପୂର୍ବରୁ ଛୁଟି କାଟୁଛନ୍ତି। ସୋର୍ସରୁ ଜଣାପଡିଛି କି ଜ୍ୟାକି–ରକୁଲ ଦୁହେଁ ଥାଇଲ୍ୟାଣ୍ଡରେ ଅଛନ୍ତି ।
