ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀଙ୍କ ପରେ ପ୍ରିୟଙ୍କା ଗାନ୍ଧୀ ଭଦ୍ରା ଏବେ କରୋନା ସଂକ୍ରମିତ ହୋଇଛନ୍ତି । ପ୍ରିୟଙ୍କା ଗାନ୍ଧୀ ଭଦ୍ରା ଏବେ କଂଗ୍ରେସ ଦଳର ଜାତୀୟ ସାଧାରଣ ସମ୍ପାଦକ ଅଛନ୍ତି । ସେ ନିଜେ ଟ୍ୱିଟ୍ କରି ଏ ବିଷୟରେ ସୂଚନା ଦେଇଛନ୍ତି । ସେ ଟ୍ୱିଟ୍ କରି ଲେଖିଛନ୍ତି ଯେ ସାମାନ୍ୟ ଲକ୍ଷଣ ସହିତ ସେ କରୋନା ପଜିଟିଭ୍ ହୋଇଛନ୍ତି । ସମସ୍ତ ପ୍ରୋଟୋକଲ ଗୁଡିକ ଅନୁସରଣ କରି, ମୁଁ ନିଜକୁ ଘରେ ଆଇସୋଲେଟ କରି ରଖିଛି । ଯେଉଁମାନେ ମୋ ସହିତ ଯୋଗାଯୋଗରେ ଆସିଛନ୍ତି ମୁଁ ସେମାନଙ୍କୁ ଅନୁରୋଧ କରିବି ଯେ ସମସ୍ତ ଆବଶ୍ୟକୀୟ ସତର୍କତା ଅବଲମ୍ବନ କରନ୍ତୁ ।
ପୂର୍ବରୁ ସୋନିଆଙ୍କ କରୋନା ଲକ୍ଷଣକୁ ନେଇ କଂଗ୍ରେସ ମୁଖପାତ୍ର ରଣଦୀପ ସୁରଜୱାଲା ଏହି ସୂଚନା ଦେଇଥିଲେ । ସୁରେଜଓ୍ବାଲାଙ୍କ ଅନୁଯାୟୀ ତାଙ୍କର ସାମାନ୍ୟ ଜ୍ୱର ଅଛି । ଏହା ସହିତ, କରୋନା ର ଅନ୍ୟ କେତେକ ଲକ୍ଷଣ ତାଙ୍କ ଠାରେ ଦେଖାଯାଉଛି । ସୋନିଆ ଗାନ୍ଧୀ ନିଜକୁ ଅଲଗା କରି ରଖିଛନ୍ତି। ଡାକ୍ତରଙ୍କ ତତ୍ତ୍ୱାବଧାନରେ ତାଙ୍କୁ ଚିକିତ୍ସା କରାଯାଉଛି ।
