ନୂଆଦିଲ୍ଲୀ : ସାଉଥରେ ହ୍ୟାଣ୍ଡସମ ହଙ୍କ କହିଲେ ପ୍ରଭାସଙ୍କୁ ବୁଝାଏ। ସେଥିପାଇଁ ପ୍ରଭାସଙ୍କର ବହୁତ ଫ୍ୟାନ। ଝିଅମାନେ ତାଙ୍କ ଗେଟିଏ ଝଲକ ଦେଖିବାକୁ ଦିଓ୍ବାନା। ଏବେ ପ୍ରଭାସ ତାଙ୍କ ଫିଲ୍ମ `ଆଦିପୁରୁଷ’ ପାଇଁ ଭାରି ଚର୍ଚ୍ଚାରେ। ଏବେ ସେ ତାଙ୍କ ବିବାହ ଖବରକୁ ନେଇ ପୁଣି ଥରେ ଚର୍ଚ୍ଚାକୁ ଆସିଛନ୍ତି। ପ୍ରଭାସଙ୍କ ବିବାହକୁ ନେଇ ପୂର୍ବରୁ ଫ୍ୟାନଙ୍କ ମନରେ ଅନେକ ପ୍ରଶ୍ନ ରହିଥିବା ବେଳେ ଏବେ ପ୍ରଭାସ ଗ୍ରୀନ ସିଗନାଲ ଦେଇଛନ୍ତି। ସେ ଖୁବ ଶୀଘ୍ର ବିବାହ କରିବେ ବୋଲି କହିଛନ୍ତି। ଏହି କଥା ଶୁଣି ଫ୍ୟାନମାନେ ଏକ୍ସାଇଟେଡ ହୋଇଯାଇଛନ୍ତି। ତେବେ ଦୁହ୍ଲନ କିଏ ତାହା ଦେଖିବାକୁ ବାକି ରହିଲା। ସାଉଥ ଅଭିନେତ୍ରୀ ଅନୁଷ୍କା ସେଟ୍ଟୀ ନା ବଲିଉଡର କ୍ରୀତି ସାନନ। ଆଗରୁ ପ୍ରଭାସଙ୍କ ନାଁ ଅନୁଷ୍କାଙ୍କ ସହ ଯୋଡ଼ା ଯାଉଥିବାବେଳେ ଏବେ ପ୍ରଭାସ କୁଆଡେ କ୍ରୀତିଙ୍କୁ ଡେଟ କରୁଛନ୍ତି ବୋଲି ଶୁଣିବାକୁ ମିଳୁଛି। ପ୍ରଭାସ ଏବଂ କ୍ରୀତିଙ୍କ ଯୋଡି `ଆଦିପୁରୁଷ’ ମୁଭିରେ ଖୁବ ସୁନ୍ଦର ଲାଗୁଛି। ଦୁହିଁଙ୍କ ରାମ-ସୀତା ଚରିତ୍ର ଦର୍ଶକଙ୍କ ମନ କିଣୁଛି।
ପ୍ରଭାସ ଯେତେବେଳେ ତିରୁପତିରେ ବିବାହ କରିବେ ବୋଲି କହିଲେ ତ ଫ୍ୟାନ ମାନେ ବେଶ୍ ଆନନ୍ଦିତ ହୋଇ ଯାଇଥିଲେ। ତେବେ ବିବାହକୁ ନେଇ ପ୍ରଭାସଙ୍କର ଏହି ମନ୍ତବ୍ୟ ଭାଇରାଲ୍ ହେବାରେ ଲାଗିଛି। ଫ୍ୟାନମାନେ ଏବେ ଅଭିନେତାଙ୍କୁ ବର ବେଶରେ ଦେଖିବାକୁ ଅପେକ୍ଷା କରି ରହିଛନ୍ତି। ଆପଣ ଜାଣନ୍ତି ଯେ ପ୍ରଭାସଙ୍କ ନାମ ଦୀର୍ଘ ଦିନ ହେବ ଅଭିନେତ୍ରୀ କ୍ରୀତି ସାନନଙ୍କ ନାମରେ ଯୋଡ଼ି ହୋଇ ରହିଛି। ଅବଶ୍ୟ ଉଭୟ ପ୍ରଭାସ ଓ କ୍ରୀତି ଏହି ଖବରକୁ ଅଫିସିଆଲି ଏଯାଏ କିଛି କ୍ଲିୟର କରି ନାହାନ୍ତି।
ଓମ ରାଉତଙ୍କ ମେଗା ବଜେଟ ଫିଲ୍ମ ହେଉଛି `ଆଦିପୁରୁଷ’। ଜୁନ ୧୬ରେ ଥିଏଟରରେ ହେବ ରିଲିଜ। ପ୍ରଭାସ, ସୈଫ ଅଲ୍ଲୀ ଖାନ, କ୍ରୀତି ସାନନ, ସନୀ ସିଂହଙ୍କ ଏହି ଫିଲ୍ମକୁ ନେଇ ଦର୍ଶକ ବେଶ ଉତ୍ସାହିତ। ଟିଜର ଆସିବା ଦିନଠାରୁ ଏହି ଫିଲ୍ମକୁ ନେଇ ଜୋରଦାର ଚର୍ଚ୍ଚା। ଫିଲ୍ମ ଆଦିପୁରୁଷ ରିଲିଜ ହେବା ପୂର୍ବରୁ ପ୍ରାୟ ୬୫ ପ୍ରତିଶତ ରୋଜଗାର କରିସାରିଛି। ମୋଟ ୭୦୦ କୋଟି ଟଙ୍କାରେ ନିର୍ମାଣ ହେଉଛି ଏହି ଫିଲ୍ମ।
ଆଦିପୁରୁଷର ଫିଲ୍ମର ଟ୍ରେଲର ରିଲିଜ ହୋଇଛି। ଏହିଫିଲ୍ମର ପ୍ରଥମ ଟ୍ରେଲରକୁ ଦର୍ଶକ ବହୁ ମାତ୍ରାରେ ଭଲ ପାଇବା ଦେଇଛନ୍ତି। ଏବେ ଏହି ଫିଲ୍ମର ଦ୍ବିତୀୟ ଟ୍ରେଲର ରିଲିଜ ହେବାକୁ ଯାଉଛି। କିନ୍ତୁ ଏହି ମୁଭିର ପ୍ରି ରିଲିଜ ଇଭେଣ୍ଟ ପୂର୍ବରୁ ସୁପରଷ୍ଟାର ପ୍ରଭାସ ତିରୁପତି ମନ୍ଦିର ଦର୍ଶନ ପାଇଁ ଯାଇଥିଲେ। ପ୍ରଭାସ ଏହି ଫିଲ୍ମୁ ନେଇ ବେଶ ଆଶାବାଦୀ ଅଛନ୍ତି।
