ନୂଆଦିଲ୍ଲୀ: ଉତ୍ତରାଖଣ୍ଡରେ ଜଣେ ବୁଡ଼ି ଯାଉଥିବା ମହିଳାଙ୍କୁ ବଞ୍ଚାଇବା ପାଇଁ ଦୁଇଜଣ ପୋଲିସ କର୍ମଚାରୀ କେନାଲରେ ଡେଇଁପଡ଼ିବାର ଏକ ଭିଡିଓ ଭାଇରାଲ ହୋଇଛି । ଏକ ଭିଡିଓରେ, ମହିଳା ଜଣଙ୍କ ଡେଇଁପଡ଼ିବା ପରେ ପୁରୁଷମାନେ ତାଙ୍କୁ ବଞ୍ଚାଇବା ପାଇଁ ଦୌଡ଼ୁଥିବାର ଦେଖାଯାଉଛି । ଜଣେ ପୋଲିସ କର୍ମଚାରୀ ବୁଡ଼ି ଯାଉଥିବା ମହିଳାଙ୍କ ପାଖକୁ ପହଁରି ପହଁରି ଯାଉଥିବା ଦେଖାଯାଉଛି। ପରେ, ତାଙ୍କ ସହଯୋଗୀ ଉଦ୍ଧାର କାର୍ଯ୍ୟରେ ସାହାଯ୍ୟ କରୁଛନ୍ତି ।
View this post on Instagram
ଭିଡିଓଟି ଉତ୍ତରାଖଣ୍ଡର ହରିଦ୍ୱାର ଜିଲ୍ଲାର ରୁରକି ସହରରୁ ସାମ୍ନାକୁ ଆସିଛି ବୋଲି ଜଣାପଡ଼ିଛି ।ମହିଳା ଜଣକ ଜଣେ ଏମ ଏ ଛାତ୍ରୀ । ଗତ କିଛି ଦିନ ଧରି ମାନସିକ ଚାପ ହେତୁ ଡେଇଁ ପଡ଼ିଥିବା ଅଭିଯୋଗ ହୋଇଛି । ଏହାକୁ ଦେଖି ଅତିରିକ୍ତ ସବ-ଇନ୍ସପେକ୍ଟର ମନୋଜ ଶର୍ମା ଏବଂ ହେଡ୍ କନେଷ୍ଟବଳ କୃପା ରାମ ତୁରନ୍ତ ତାଙ୍କୁ ବାହାର କରିବା ପାଇଁ କେନାଲ ଆଡକୁ ଦୌଡ଼ିଥିଲେ। ମହିଳାଙ୍କୁ ଅଚେତ ଅବସ୍ଥାରେ ପାଣିରୁ ବାହାର କରିଥିଲେ । ଦୁଇଜଣ ପୋଲିସ କର୍ମଚାରୀ ମହିଳା ଜଣଙ୍କୁ ଜରୁରୀକାଳୀନ ଚିକିତ୍ସା ଯୋଗାଇ ଦେଇଥିଲେ ଏବଂ ତାଙ୍କୁ ସିଭିଲ୍ ହସ୍ପିଟାଲକୁ ନେବା ପୂର୍ବରୁ ତାଙ୍କ ପେଟରୁ ପାଣି ବାହାର କରିଥିଲେ । ପରେ ପରିବାରକୁ ଖବର ଦିଆଯାଇଛି। ପୋଲିସ ଅଧିକାରୀମାନଙ୍କୁ ସେମାନଙ୍କ ସାହସିକତା ପାଇଁ ପ୍ରଶଂସା କରାଯାଉଛି । ଭିଡିଓଟିକୁ ଟ୍ୱିଟରରେ ସେୟାର କରି ଉତ୍ତରାଖଣ୍ଡ ପୋଲିସ କହିଛି: “ଏହି ସାହସିକ କାର୍ଯ୍ୟ ପୋଲିସର କର୍ତ୍ତବ୍ୟ ଏବଂ ମାନବିକତାର ଏକ ଉଦାହରଣ ସୃଷ୍ଟି କରିଛି । ସ୍ଥାନୀୟ ଲୋକମାନେ ସହର ପୋଲିସ କର୍ମଚାରୀଙ୍କୁ ପ୍ରଶଂସା କରିଛନ୍ତି।”
