ନୂଆଦିଲ୍ଲୀ: ପ୍ରସିଦ୍ଧ ଭୋଜପୁରୀ ଗାୟକ ଏବଂ ସୁପରଷ୍ଟାର ପବନ ସିଂହ ଆଗାମୀ ବିହାର ବିଧାନସଭା ନିର୍ବାଚନରେ ଲଢ଼ିବେ ନାହିଁ ବୋଲି ଘୋଷଣା କରିଛନ୍ତି। ସେ ସ୍ପଷ୍ଟ କରିଛନ୍ତି ଯେ ତାଙ୍କର ନିର୍ବାଚନ ଲଢ଼ିବାର କୌଣସି ଇଚ୍ଛା ନାହିଁ ଏବଂ ସେ କେବଳ ତାଙ୍କ ଦଳର ଜଣେ କର୍ମୀ ହୋଇ ରହିବାକୁ ଚାହାଁନ୍ତି। ସେ ସୋସିଆଲ ମିଡିଆରେ ଏକ ପୋଷ୍ଟ ମାଧ୍ୟମରେ ଏହି ଘୋଷଣା କରିଛନ୍ତି।ପବନ ସିଂହ ତାଙ୍କ ପୋଷ୍ଟରେ ଲେଖିଛନ୍ତି ଯେ ଭାରତୀୟ ଜନତା ପାର୍ଟି (ବିଜେପି)ରେ ଯୋଗଦେବାର ତାଙ୍କର ଉଦ୍ଦେଶ୍ୟ ନିର୍ବାଚନ ଲଢ଼ିବା ନୁହେଁ। ସେ କହିଛନ୍ତି, “ମୁଁ, ପବନ ସିଂହ, ମୋର ଭୋଜପୁରୀ ସମ୍ପ୍ରଦାୟକୁ କହିବାକୁ ଚାହୁଁଛି ଯେ ମୁଁ ବିହାର ବିଧାନସଭା ନିର୍ବାଚନ ଲଢ଼ିବା ପାଇଁ ଦଳରେ ଯୋଗ ଦେଇନାହିଁ, କିମ୍ବା ବିଧାନସଭା ନିର୍ବାଚନ ଲଢ଼ିବାକୁ ମଧ୍ୟ ମୋର ଇଚ୍ଛା ନାହିଁ।” ଏହି ପୋଷ୍ଟ ତାଙ୍କ ନିର୍ବାଚନ ନ ଲଢ଼ିବା ସମ୍ପର୍କରେ ଚାଲିଥିବା କଳ୍ପନାଜଳ୍ପନାର ଅନ୍ତ ଘଟାଇଛି । ସୂଚନାଥାଉ କି ନଭେମ୍ବର ୬, ୧୧ରେ ବିହାର ନିର୍ବଚନ ହେବାକୁ ଯାଉଛି ।
