ପାଟନା : ଆଜି ସକାଳୁ ଏକ ବଡ଼ ଧରଣର ସଡ଼କ ଦୁର୍ଘଟଣା ଘଟିଯାଇଛି । ଏକ ପୋଲିସ୍ ଗାଡ଼ିକୁ ହାଇୱା ଟ୍ରକ୍ ପଛରୁ ପିଟିବା ଫଳରେ ତିନି ଜଣ ପୋଲିସ୍ କର୍ମଚାରୀଙ୍କ ମୃତ୍ୟୁ ହୋଇଛି । ଏହା ସହିତ ଦୁଇ ଜଣ ଆହତ ମଧ୍ୟ ହୋଇଛନ୍ତି । ଏହିଭଳି ଏକ ଘଟଣା ଘଟିଛି ବିହାରର ପାଟନା ଠାରେ । ହାଇୱା ଟି ନିୟନ୍ତ୍ରଣ ହରାଇ ପାଟ୍ରୋଲିଂ କରୁଥିବା ଏକ ପୋଲିସ୍ ଜିପ୍ ଉପରେ ଚଢ଼ିଯାଇଥିଲା । ଯାହାଫଳରେ ଏହି ଦୁର୍ଘଟଣା ଘଟିଯାଇଛି ।
୩ ଜଣ ମୃତ୍ୟୁବରଣ କରିଥିବା ବେଳେ ଅନ୍ୟ ଦୁଇଜଣ ଗୁରୁତର ଭାବେ ଆହତ ହୋଇଛନ୍ତି। ସୂଚନା ଅନୁଯାୟୀ, ଜିପରେ ମୋଟ ୫ ଜଣ ପୋଲିସ୍ କର୍ମଚାରୀ ଥିଲେ । ହାଇୱାଟି ପୋଲିସ୍ ଜିପ୍ ପଛରୁ ପିଟିବା ପରେ ଚଢ଼ିଯାଇଥିଲା। ଯାହାଫଳରେ ହାଇୱାଟି ମଧ୍ୟ ଓଲଟି ପଡ଼ିଥିଲା । ସ୍ଥାନୀୟ ଲୋକଙ୍କ ଜରିଆରେ ଖବର ପାଇ ଦମକଳ ଗାଡ଼ି ପହଞ୍ଚିଥିଲା। ତେବେ ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।
