ଭୁବନେଶ୍ୱର: ଜଣାଶୁଣା ସମ୍ବଲପୁରୀ ତଥା ମେଗା ଧାରାବାହିକ ଅଭିନେତା ସତ୍ୟଜିତ ପୁରୋହିତଙ୍କ ଆଜି ମୃତ୍ୟୁ ହୋଇଛି । ମୃତ୍ୟୁ ବେଳକୁ ତାଙ୍କ ୩୫ ବର୍ଷ ହେଉଥିଲା । ପୁର୍ବରୁ ସେ କୌଣସି ଅଜଣା ରୋଗରେ ପଡିତ ହୋଇ ସୁସ୍ଥ ହୋଇଥିଲେ । ତେବେ ଆଜି ସକାଳ ସମୟରେ ତାଙ୍କ ଛାତିରେ ଯନ୍ତ୍ରଣା ହୋଇଥିଲା । ପରିବାର ଲୋକ ପ୍ରଥମେ କଂଟାବାଞ୍ଜି ସହରର ଏକ ଘରୋଇ କ୍ଲିନିକକୁ ଚିକିତ୍ସା ପାଇଁ ନେଇଥିଲେ । ଡାକ୍ତର ସରକାରି ଡାକ୍ତରଖାନାରେ ଚିକିତ୍ସା କରାଇ ଅନ୍ୟତ୍ର ସ୍ଥାନାନ୍ତର କରିବାକୁ ପରାମର୍ଶ ଦେଇଥିଲେ ।
ପରେ କଂଟାବାଞ୍ଜି ଡାକ୍ତରଖାନାରେ ପ୍ରାଥମିକ ଚିକିତ୍ସା କରାଇ ବଲାଙ୍ଗିର ଭୀମ ଭୋଇ ମେଡିକାଲ କଲେଜକୁ ନେଇଯାଉଥିବା ବେଳେ ତାଙ୍କ ମୃତ୍ୟୁ ହୋଇଥିଲା । ସେଠାରେ ଡାକ୍ତର ମୃତ୍ୟୁ ଘୋଷଣା କରିଥିଲେ । କଂଟାବାଞ୍ଜିକୁ ମର ଶରୀର ଆଣିଥିବା ବେଳେ ଏଠି ଆଶ୍ରମପଡା ସ୍ଥିତ ଶ୍ମସାନ ଘାଟରେ ଶେଷକୃତ ସଂପନ୍ନ କରାଯାଇଥିଲା । ସତ୍ୟଜିତ ଅନେକ ସମ୍ବଲୁପରି, ନାଗପୁରି ଗିତରେ ଅଭିନୟ କରିଥିବା ବେଳେ ସାର୍ଥକ ଚ୍ୟାନ୍ଲରେ ଆସୁଥିବା ମେଗା ଧାରାବାହିକ ପରିରେ ଅଭିନୟ କରିଥିଲେ । କଂଟାବାଞ୍ଜି ସତ୍ୟଜିତଙ୍କ ଘର ହୋଇଥିବା ବେଳେ ସେ ଭରନେଶ୍ୱରରେ ରହୁଥିଲେ । ତେବେ ସ୍ୟାସ୍ଥଗତ ସମସ୍ୟା ଯୋଗୁ ପୁଣି କଂଟାବାଞ୍ଜି ଫେରିଆସିଥିଲେ । ସତ୍ୟଜିତଙ୍କ ମୃତ୍ୟୁ ଖବର ଜାଣିବା ପରେ ଅଞ୍ଚଳରେ ଶୋଜର ଛାୟା ଖେଲିଯାଇଛି ।
