୨୫ ବର୍ଷରେ ବିକଶିତ ଭାରତ ଗଠନ ଆମର ଲକ୍ଷ୍ୟ : ମୋଦୀ

ନୂଆଦିଲ୍ଲୀ: ସଂସଦର ବଜେଟ୍ ଅଧିବେଶନର ଶେଷ ଦିନରେ ପ୍ରଧାନମନ୍ତ୍ରୀଙ୍କ ସମ୍ବୋଧନ । ଅଯୋଧ୍ୟାରେ ନିର୍ମିତ ଭବ୍ୟ ରାମ ମନ୍ଦିରକୁ ନେଇ ଆଲୋଚନା ଚାଲିବ ସହିତ ଗତ ୫ ବର୍ଷ ମଧ୍ୟରେ ଦେଶର ସେବାରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି ବୋଲି ପ୍ରଧାନମନ୍ତ୍ରୀ କହିଛନ୍ତି । ଲୋକସଭାରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ଆଜି ଦେଶ ଏକ ନୂଆ ଆତ୍ମବିଶ୍ୱାସ ଅନୁଭବ କରୁଛି। ଗତ ପାଞ୍ଚ ବର୍ଷ ରେ ସଂସ୍କାର, ପରିବର୍ତ୍ତନ ଏବଂ କାର୍ଯ୍ୟଦକ୍ଷତା ଉପରେ ଗୁରୁତ୍ବ ଦିଆଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ମାନବ ଜାତି ଶତାବ୍ଦୀର ସବୁଠାରୁ ବଡ଼ ସଙ୍କଟର ସମ୍ମୁଖୀନ ହୋଇଛି। ମହାମାରୀ ସମୟରେ ଘରୁ ବାହାରିବା ଅତ୍ୟନ୍ତ କଷ୍ଟକର ଥିଲା। ଏପରି ସମୟରେ ମଧ୍ୟ ଦେଶର କାମ ବନ୍ଦ ହୋଇନଥିଲା, ଗୃହର ମର୍ଯ୍ୟାଦା ମଧ୍ୟ ବଜାୟ ରହିଥିଲା। ସଙ୍କଟ ସମୟରେ ଦେଶର କାମ ବନ୍ଦ ହୋଇନଥିଲା। ତା’ପରେ ଗୃହର ଏକ ନୂତନ କୋଠା ହେବା ଦରକାର, ସମସ୍ତେ ଏହା ଉପରେ ଆଲୋଚନା କରିଥିଲେ। ଆପଣଙ୍କ ନିଷ୍ପତ୍ତିର ପରିଣାମ ହେଉଛି ଯେ ଆଜି ଆମକୁ ଏକ ନୂତନ ଗୃହ ମିଳିଛି । ସପ୍ତଦଶ ଲୋକସଭା ଗତ ୫ ବର୍ଷ ଧରି ଦେଶ ସେବାରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଥିଲା ଏବଂ ଅନେକ ଆହ୍ୱାନର ସମ୍ମୁଖୀନ ହୋଇଥିଲେ ମଧ୍ୟ ସମସ୍ତେ ନିଜ ଶକ୍ତି ବଳରେ ଦେଶକୁ ସଠିକ୍ ଦିଗ ଦେବାକୁ ଚେଷ୍ଟା କରିଥିଲେ । ଏହି ୫ ବର୍ଷରେ ଦେଶରେ ଅନେକ ସଂସ୍କାର ଆସିଛି । ସେ କହିଛନ୍ତି ଯେ ଆସନ୍ତା ୨୫ ବର୍ଷ ଦେଶପାଇଁ ବେଶ ଗୁରୁତ୍ବପୂର୍ଣ୍ଣ । ରାଜନୈତିକ ବିରୋଧାଭାସ ଗୋଟିଏ କଥା କିନ୍ତୁ ଆଜି ସମସ୍ତଙ୍କ ମନରେ ଗୋଟିଏ ସ୍ବପ୍ନ ତାହା ହେଉଛି ଆସନ୍ତା ୨୫ ବର୍ଷରେ ଦେଶକୁ ବିକଶିତ କରିବା ।