ଦନ୍ତା ହାତୀଙ୍କ ଉପଦ୍ରବ

ସୁନ୍ଦରଗଡ଼ : ପୁଣି ଦେଖିବାକୁ ମିଳୁଛି ହାତୀଙ୍କ ଉପଦ୍ରବ । ସୂଚନା ଅନୁସାରେ, ସୁନ୍ଦରଗଡ଼ ସଦର ବ୍ଲକ ଅଞ୍ଚଳରେ ହାତୀ ମାତିଛନ୍ତି । ଏକ ମାସରୁ ଅଧିକ ହେବ ୪ ଟିକିଆ ହାତୀ ପଲ ସଦର ବ୍ଲକର କିଞ୍ଜିମା, ମହୁଲ ଜୋର, ଘଣ୍ଟିବୁଡ଼ ଅଞ୍ଚଳରେ ହାତୀ ଉପଦ୍ରବ ଦେଖିବାକୁ ମିଳିଛି ବୋଲି ସୂଚନା ମିଳିଛି । ହାତୀ ଦିନବେଳା ଜଙ୍ଗଲରେ ବୁଲୁଛନ୍ତି ସନ୍ଧ୍ୟା ହେଲେ ଗାଁରେ ପଶୁଛନ୍ତି । ଗାଁରେ ପଶି ଘରଦ୍ୱାର ଭାଙ୍ଗିବା ସହିତ ଫସଲ ଜମିରେ ପଶି ଫସଲ ନଷ୍ଟ କରିଦେଉଛନ୍ତି । ହାତୀଙ୍କୁ ଗାଁରୁ ଘଉଡାଇବାରେ ବିଫଳ ହୋଇଛନ୍ତି ବନ୍ୟ ବିଭାଗ ।ଗାଁରେ ହାତୀଙ୍କର ପ୍ରବେଶ ଗାଁ ଲୋକମାନଙ୍କର ନିଦ ହଜାଇଦେଇଛି । ଏକ ମାସରୁ ଅଧିକ ହେବ ହାତୀ ଗାଁ ଭିତରେ ପଶି ରାଜୁତି କରୁଛନ୍ତି । ଯାହା ଇଛା ହେଉଛି କରୁଛନ୍ତି କେତେବେଳେ ଘର ଭାଙ୍ଗୁଛନ୍ତି ତ ଫସଲ ନଷ୍ଟ କରୁଛନ୍ତି । ଲୋକେ ନିଜ ଘରେ ରହି ବି  ସୁରକ୍ଷିତ ଅନୁଭବ କରିପାରୁନାହାନ୍ତି । ଭୟଭୀତ ଅବସ୍ଥାରେ ଲୋକେ ନିଜର ଦିନ କାଟିଛନ୍ତି ।