କେଶଦୁରାପାଳ : ବଜ୍ରପାତ ଘଟି ଜଣଙ୍କ ମୃତ୍ୟୁ ଘଟିଥିବା ଜଣାପଡିଛି। ଘଷିପୁରା ଥାନା ଆନନ୍ଦପୁର ପୌର ପରିଷଦ ଅନ୍ତର୍ଗତ ଖପରଖାଇର ବାବୁଲି ମିଶ୍ର (୫୮) ନିଜ ଘର ନିକଟେରେ ବସିଥିବା ବେଳେ ଶନିବାର ଅପରାହ୍ନରେ ଖୁବ୍ ଜୋରରେ ଘଡ଼ଘଡ଼ି ସହ ପ୍ରବଳ ବର୍ଷା ହେଉଥିଲା।
ସେଠାରୁ ଆସୁଥିବା ସମୟରେ ବାବୁଲିଙ୍କ ଉପରେ ବଜ୍ରପାତ ହୋଇଥିଲା। ଫଳରେ ବାବୁଲିଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିଲା । ପରିବାର ଲୋକ ବାବୁଲିକୁ ଆନନ୍ଦପୁର ଡାକ୍ତରଖାନାକୁ ଆଣିଥିବା ବେଳେ ପୁଲିସ ମୃତଦେହକୁ ଜବତ କରିଥିଲା। ପୁଲିସ ବ୍ୟବଚ୍ଛେଦ ପରେ ମୃତଦେହକୁ ପରିବାର ସଦସ୍ୟଙ୍କୁ ହସ୍ତାନ୍ତର କରିଥିବା ଜଣାପଡ଼ିଛି।
