ଭୁବନେଶ୍ୱର: ବ୍ରାଉନ ସୁଗର ସହ ଜଣଙ୍କୁ ଗିରଫ କରିଛି ଖଣ୍ଡଗିରି ଥାନା ପୁଲିସ । ଗିରଫ ବ୍ୟକ୍ତି ଙ୍କ ନାମ ଶିବ ଶଙ୍କର ମାଝୀ(୩୪) ହୋଇଥିବା ବେଳେ ଘର ମୟୁରଭଞ୍ଜ ଜିଲ୍ଲାରେ ବୋଲି ଜଣା ପଡିଛି । ସୂଚନା ମୁତାବକ, ଖଣ୍ଡଗିରି ଥାନାର ଏକ ସ୍ପେଶାଲଟୀମ ବରମୁଣ୍ଡା ସ୍ଥିତ ରାଜଧାନୀ କଲେଜ ଗେଟ ନଂ-୨ ନିକଟରେ ଅତର୍କିତ ଚଢଉ କରି କଲେଜ ଛାତ୍ରମାନଙ୍କୁ ବ୍ରାଉନସୁଗାର ବିକ୍ରି କରୁଥିବା ଶିବକୁ କାବୁ କରିଥିଲା ପୁଲିସ ।
ଉକ୍ତ ବ୍ୟକ୍ତିର ତଲାସି ବେଳେ ତାଙ୍କ ନିକଟରୁ ମୋଟ ୧୬ ଗ୍ରାମ ଓଜନର ବ୍ରାଉନ ସୁଗାର, ଗୋଟିଏ ଫୋନ ଓ ଗୋଟିଏ ସ୍କୁଟିଜବତ କରିଛି । ପୁଲିସ ତାଙ୍କୁ ଥାନାକୁ ଆଣି ପଚରାଉଚରା ସମୟରେ ସେ ବାଲେଶ୍ୱର ଅଞ୍ଚଳରୁ ବ୍ରାଉନସୁଗାରକୁ ଆଣି ଏଠାରେ ବିକ୍ରି କରୁଥିବା ମାନିଛି । ଏହି ଘଟଣାକୁ କେନ୍ଦ୍ରକରି ଖଣ୍ଡଗିରିଥାନା ପୁଲିସ ଏକ ବେଆଇନ ବ୍ରାଉନସୁଗାର ବିକ୍ରି ମାମଲା ରୁଜୁ କରି ଉକ୍ତ ବ୍ୟକ୍ତିକୁ କୋର୍ଟ ଚାଲାଣ କରିଛନ୍ତି ।
