ଭୁବନେଶ୍ୱର : ରାଜ୍ୟର ବିଭିନ୍ନ ବୈଷୟିକ ଓ ବୃତ୍ତିଗତ ଶିକ୍ଷାନୁଷ୍ଠାନରେ ନାମଲେଖା ପାଇଁ ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା(ଓଜେଇଇ) ପରୀକ୍ଷା ଫଳ ଆଜି ପ୍ରକାଶ ପାଇଛି। ଚଳିତ ବର୍ଷ,ରାଜ୍ୟର ସମସ୍ତ ୩୦ଟି ଜିଲ୍ଲାର ୫୭ ଟି କେନ୍ଦ୍ର ସହିତ ରାଜ୍ୟ ବାହାରେ ୩ଟି ସହର ଯଥା କଲିକତା, ପାଟଣା ଏବଂ ରାଞ୍ଚିରେ ପରୀକ୍ଷା କେନ୍ଦ୍ର କରାଯାଇଥିଲା । ଏ ବର୍ଷ ସମୁଦାୟ ୬୫,୭୪୨ ପରୀକ୍ଷାର୍ଥୀ ପଞ୍ଜୀକୃତ ହୋଇଥିବାବେଳେ ୫୬,୦୪୭ ପରୀକ୍ଷାର୍ଥୀ ପରୀକ୍ଷାରେ ଭାଗ ନେଇଥିଲେ । ତନ୍ମଧ୍ୟରୁ ୫୬,୦୦୦ ପରୀକ୍ଷାର୍ଥୀଙ୍କୁ ନିଜ ନିଜର ପ୍ରଦର୍ଶନ ଅନୁଯାୟୀ ସେମାନଙ୍କର ଅନୁରୂପ ପାଠ୍ୟକ୍ରମରେ ସ୍ଥାନ ଦିଆଯାଇଛି ।ତେବେ କିଏ କେଉଁ ବିଭାଗରେ ଟପ୍ପର ହେଲେ ଜାଣନ୍ତୁ:
ବି.ଫାର୍ମା: ସାଗରିକା ଦାଶ
ଏଲ.ଇ ଟେକ(ଡିପ୍ଲୋମା):ବିଲଟୁ ମଣ୍ଡଳ
ଏମବିଏ: ସୂର୍ଯ୍ୟକାନ୍ତୁ ପୃଷ୍ଟି
ଏମ.ଫାର୍ମା: ପଦ୍ମଳୟା ମିଶ୍ର
ଏମସିଏ/ଏମଏସସି(କମ୍ପୁ୍ୟଟର ସାଇନ୍ସ): ବ୍ରହ୍ମାନନ୍ଦ ମହାରଣା
ସିଭିଲ ଇଞ୍ଜିନିୟରିଂ: ରବୀନ୍ଦ୍ର ସାହୁ
ପରୀକ୍ଷାର୍ଥୀ ମାନେ ଓଜେଇଇ ୱେବସାଇଟ (www.ojee.nic.in/ www.odishajee.com ) ରୁ ନିଜ ନିଜର ର୍ୟାଙ୍କ ଉବକ୍ସୟ ପାଇପାରିବେ । ସମସ୍ତ ଯୋଗ୍ୟ ବିବେଚିତ ହୋଇଥିବା ପ୍ରାର୍ଥୀ ରାଜ୍ୟର ବିଭିନ୍ନ ସରକାରୀ ଯାନ୍ତ୍ରିକ ତଥା ବେସରକାରୀ ବିଶ୍ବବିଦ୍ୟାଳୟ ଓ ବୈଷୟିକ ଏବଂ ବୃତ୍ତିଗତ ଶିକ୍ଷା ଅନୁଷ୍ଠାନ ଗୁଡିକରେ ନାମ ଲେଖାଇବା ପାଇଁ ଓଜେଇଇ କାଉନସେଲିଂରେ ଅଂଶଗ୍ରହଣ କରିପାରିବେ।
