ବଲାଙ୍ଗିର-ସ୍ଥାନୀୟ ଗାନ୍ଧୀ ଷ୍ଟାଡିୟମ ଠାରେ ଚାଲିଥିବା ଓସିଏ ଭିଜନ-୨୦୨୪ ସିନିୟର ଇଣ୍ଟ୍ରାକ୍ଳବ କ୍ରିକେଟ ଟୁଣ୍ଣାମେଣ୍ଟର ତୃତୀୟ ଦିନରେ ଗାନ୍ଧୀନଗର କ୍ରିକେଟ୍ କ୍ଳବ ଓ ନାଏକ କ୍ରିକେଟ ଏକାଡେମୀ ବଲାଙ୍ଗିର ଦଳ ମଧ୍ୟରେ ଖେଳ ଅନୁଷ୍ଠିତ ହୋଇଥିଲା । ଜିଏନ୍ସିସି ଦଳ ଟସ୍ ଜିଣି ୩୧.୫ ଓଭରରେ ସମସ୍ତ ଉଇକେଟ ହରାଇ ୧୧୧ ରନ୍ ସଂଗ୍ରହ କରିଥିଲେ । ଦଳପକ୍ଷରୁ ସଫଳ ବ୍ୟାଟ୍ସମ୍ୟାନ ଭାବେ ଭାସ୍କର ଦାସ ସର୍ବାଧିକ ୨୬ ରନ୍ ସଂଗ୍ରହ କରିଥିଲେ । ନାଏକ ଏକାଡେମୀ ଦଳ ପକ୍ଷରୁ ସଫଳ ବୋଲର ଭାବେ ସୌଭାଗ୍ୟ ପଟେଲ ୫, ଶୁବାଷିଷ ମିର୍ଦ୍ଧା ୩ ଉଇକେଟ ଅକ୍ତିଆର କରିଥିଲେ । ଏହାର ଜବାବରେ ନାଏକ ଏକାଡେମୀ ଦଳ ଆବଶ୍ୟକୀୟ ୧୧୨ ରନ୍ ଲକ୍ଷକୁ ୧୬.୫ ଓଭରରେ ଗୋଟିଏ ଉଇକେଟ ବିନିମୟରେ ସଂଗ୍ରହ କରି ବିଜୟୀ ହୋଇଥିଲେ । ନାଏକ ଏକାଡେମୀ ଦଳ ପକ୍ଷରୁ ଶୈଲେସ ପଟ୍ଟନାୟକ(ଅପରାଜିତ) ୫୧ରନ୍ ଓ ଦେବାସୁଂ ରାଜଗୁରୁ (ଅପରାଜିତ)୫୦ ରନ୍ କରିଥିଲେ । ଆଜିର ଏହି ମ୍ୟାଚକୁ ଓସିଏ ଅମ୍ପାୟାର ପୃଥ୍ୱୀରାଜ ମିଶ୍ର ଓ ଗୋବର୍ଦ୍ଧନ ଜାଲ ପରିଚାଲନା କରିଥିବାବେଳେ ଅନ୍ଲାଇନ ସ୍କୋର୍ ଭାବରେ ସୁଶିଲ କୁମାର ସୁନ୍ଦରାୟ ଦାୟିତ୍ୱ ବହନ କରିଥିଲେ ।
https://onakhabar.com/2020/02/20/odisha-weather-2/
ଓସିଏ ଭିଜନ୍ ୨୦୨୪ : ଶୈଲେଶ ଓ ଦେବାଂଶୁଙ୍କ ଅପରାଜିତ ଅର୍ଦ୍ଧଶତକ
