ଇସଲାମାବାଦ: ପାକିସ୍ତାନରେ ଏବେ ରାଜନୈତିକ ସଙ୍କଟ ଘନେଇବାରେ ଲାଗିଛି । ଇମ୍ରାନ ଖାନ୍ ଯେ କୌଣସି ପ୍ରକାରରେ ନିଜର ସରକାରକୁ ବଞ୍ଚାଇବା ପାଇଁ ଚେଷ୍ଟା କରିଥିଲେ । ମାତ୍ର ସେ ସଫଳ ହୋଇ ନଥିଲେ । ପାକିସ୍ତାନ ସଂସଦରେ ସଂଖ୍ୟାଗରିଷ୍ଠତା ପ୍ରମାଣ ପୂର୍ବରୁ ଉପବାଚସ୍ପତି ସଂସଦରେ ଏହାକୁ ଖାରଜ୍ କରିଥିଲେ। ଏହି ନିଷ୍ପତ୍ତିକୁ ବିରୋଧ କରି ବିରୋଧି ଦଳର ନେତାମାନେ ସୁପ୍ରମିକୋର୍ଟଙ୍କ ଦ୍ୱାରସ୍ଥ ହୋଇଥିଲେ।
ସୁପ୍ରମ୍କୋର୍ଟ ଏହି ନିଷ୍ପତ୍ତିକୁ ଭୁଲ୍ ବୋଲି ନିର୍ଦେଶ ଦେଇଛନ୍ତି । ପାକିସ୍ତାନ ସୁପ୍ରିମ୍କୋର୍ଟର ପ୍ରଧାନ ବିଚାରପତି ଜଷ୍ଟିସ୍ ଅମର ଅତା ବନ୍ଦିୟାଲ୍ଙ୍କୁ ନେଇ ଗଠିତ ୫ ଜଣିଆଁ ଖଣ୍ଡପୀଠ ଏହାକୁ ଭୁଲ୍ ବୋଲି ରାୟ ଶୁଣାଇଛନ୍ତି । ପାକିସ୍ତାନ ସଂସଦରେ ଉପବାଚସ୍ପତି ନିର୍ଦେଶ ଦେଇଥିବା ବେଳେ ଏହି ନିର୍ଦେଶ ଉପରେ ବାଚସ୍ପତି ସ୍ୱାକ୍ଷର କରିଥିଲେ । ସେହି ଦିନ ବାଚସ୍ପତିଙ୍କ ବିରୋଧରେ ଅବିଶ୍ୱାସ ପ୍ରସ୍ତାବ ଆଗତ ହୋଇଥିଲା । ଏଥିପାଇଁ ସେ ସଂସଦରେ ଅଧ୍ୟକ୍ଷତା କରିପାରି ନଥିଲେ ।
