ସିଞ୍ଜୋ ଆବେଙ୍କ ମୃତ୍ୟୁରେ ନବୀନଙ୍କ ଶୋକ

ଭୁବନେଶ୍ୱର : ଆତତାୟୀର ଗୁଳିମାଡ଼ରେ ନିହତ ହୋଇଥିବା ଜାପାନର ପୂର୍ବତନ ପ୍ରଧାନମନ୍ତ୍ରୀ ଶିଞ୍ଜୋ ଆବେଙ୍କ ପାଇଁ ଶୋକ ବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଶନିବାର ଟ୍ୱିଟ କରି ନବୀନ କହିଛନ୍ତି, ଜାପାନ ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେ ଭାରତର ଜଣେ ଭଲ ବନ୍ଧୁ ଥିଲେ । ଭାରତ-ଜାପାନ ସମ୍ପର୍କକୁ ସୁଦୃଢ କରିବା ଦିଗରେ ତାଙ୍କର କାର୍ଯ୍ୟ ଥିଲା ଉଲ୍ଲେଖନୀୟ । ତାଙ୍କ ହତ୍ୟା ଖବର ଶୁଣି ମୁଁ ଗଭୀର ମର୍ମାହତ । ଶୋକସନ୍ତପ ପରିବାର ଏବଂ ଜାପାନର ଜନସାଧାରଣଙ୍କୁ ଏହି ଦୁଃଖଦ ସମୟରେ ଭଗବାନ ସାହାସ ଓ ଧର୍ଯ୍ୟ ପ୍ରଦାନ କରନ୍ତୁ ବୋଲି ଶ୍ରୀ ପଟ୍ଟନାୟକ ପ୍ରକାଶ କରିଛନ୍ତି ।