କରାଚିରେ ମୁଶରଫଙ୍କୁ କବର

ଇସଲାମାବାଦ: ପାକିସ୍ତାନର ପୂର୍ବତନ ରାଷ୍ଟ୍ରପତି ପରଭେଜ ମୁଶରଫ୍‌ଙ୍କୁ ମଙ୍ଗଳବାର କଡା ସୁରକ୍ଷା ମଧ୍ୟରେ କରାଚିର ମାଲିର ସେନା କ୍ୟାଣ୍ଟନମେଣ୍ଟ ଗ୍ରାଉଣ୍ଡରେ କବର ଦିଆଯାଇଛି । ଏହି ଅବସରରେ ପୂର୍ବତନ ସେନାଧ୍ୟକ୍ଷ କ୍ୱମର ଜାଭେଦ ବାଜୱା, ଆସଫାକ୍ ପରଭେଜ କାୟାନିଙ୍କ ସମେତ ଏକାଧିକ ରାଜନେତା ଓ ବରିଷ୍ଠ ସେନା ଅଧିକାରୀ ଉପସ୍ଥିତ ଥିଲେ । ସ୍ୱେଚ୍ଛାକୃତ ନିର୍ବାସନ ଦଣ୍ଡ ଭୋଗୁଥିବା ମୁଶରଫଙ୍କର ଗତ ରବିବାର ଦୁବାଇରେ ୭୯ ବର୍ଷ ବୟସରେ ପରଲୋକ ଘଟିଛି । ସୋମବାର ତାଙ୍କର ମରଶରୀରକୁ ସ୍ୱତନ୍ତ୍ର ବିମାନରେ ପାକିସ୍ତାନ ଅଣାଯାଇଥିଲା । ୧୯୯୯ରେ ସାମରିକ ବିଦ୍ରୋହ ଜରିଆରେ ତତ୍କାଳୀନ ପ୍ରଧାନମନ୍ତ୍ରୀ ନୱାଜ ସରିଫ୍‌ଙ୍କୁ ଗାଦିଚ୍ୟୁତ କରି ମୁଶରଫ ରାଷ୍ଟ୍ରପତି ଆସନ ଦଖଲ କରିଥିଲେ ।