ଢେଙ୍କାନାଳ : ଢେଙ୍କାନାଳ ଜିଲ୍ଲା ସଦର ବ୍ଲକ ଅନ୍ତର୍ଗତ ଚାଉଳିଆ ପଂଚାୟତର ଚାଉଳିଆ ଗ୍ରାମର ମାଙ୍କୋଡି ଗୋଡି ସାହିରେ ନିଜର ଜନ୍ମ କଲା ପୁଅ ଅମାନୁସିକ ଭାବେ ଆଜି ଅପରାହ୍ନରେ ନିଜ ବାପାକୁ ନିର୍ମମ ଭାବେ ପନିକିରେ ଗଳାକାଟି ହତ୍ୟା କରିଛି । ଚାଉଳିଆ ପଂଚାୟତର ଚାଉଳିଆ ଗ୍ରାମର ମାଙ୍କୋଡି ଗୋଡି ସାହିର ବାପା ଢାକୁଆ ସାହୁଙ୍କୁ ତାଙ୍କ ପୁଅ ଶିବ ପ୍ରସାଦ ସାହୁ ଅତି ନିର୍ମମ ଭାବେ ଗଳାକାଟି ହତ୍ୟା କରିଛି । ସ୍ୱାମୀର ଗଳା କାଟି ହତ୍ୟା କରୁଥିବା ବେଳେ ସ୍ତ୍ରୀ ରମା ସାହୁ ପାଟକରି ବାରୁ ସ୍ଥାନୀୟ ଲୋକେ ଆସି ତାକୁ କାବୁ କରି ଗୋଟିଏ ବନ୍ଦ କୋଠରୀରେ ଭର୍ତି କରିଥିଲେ ।
ସ୍ଥାନୀୟ ଲୋକଙ୍କ କହିବା ଅନୁଯାୟୀ, ହତ୍ୟାକାରୀ କୈାଣସି କାମଧନ୍ଦା ନକରି ମଦ୍ୟପାନ କରି ଘରେ ପାଟିତୁଣ୍ଡ କରୁଥିଲା । ମଦ୍ୟପାନ କରି ଆଜି ତାଙ୍କ ବାପା ଢାକୁଆ ସାହୁଙ୍କୁ ପନିକିରେ ଅତି ନିର୍ମମ ଭାବେ ହତ୍ୟା କରିଛି । ପରେ ଘଟଣା ସ୍ଥଳରେ ସ୍ଥାନୀୟ ତରଭା ଫାଣ୍ଡି ଓ ସଦର ଥାନା ଅଧିକାରୀ ପହଂଚି ଆସାମୀ ଶିବ ପ୍ରସାଦ କୁ ଗିରଫ କରି ଥାନା ହାଜାତକୁ ପଠାଇଛି । ଶବ ବ୍ୟବଛେଦ ପାଇଁ ଢେଙ୍କାନାଳ ମୁଖ୍ୟ ଚିକିତ୍ସାଳୟକୁ ପଠାଯାଇଛି ।
ଅମାନୁସିକ ଭାବେ ବାପାର ଗଳାକଟି ହତ୍ୟା
