କୁକୁର କାମୁଡ଼ାରେ ୫୦ରୁ ଊର୍ଦ୍ଧ୍ୱ ଆହତ

ନେମାଳ: ନିଶ୍ଚିନ୍ତକୋଇଲି ବ୍ଲକ କଳମିଶ୍ରି ଗ୍ରାମପଞ୍ଚାୟତ ଲେଣ୍ଡୁରା ଭଗବାନପୁର ଗ୍ରାମରେ ଏକ କୁକୁର କାମୁଡାରେ ୫୦ରୁ ଊର୍ଦ୍ଧ୍ୱ ବ୍ୟକ୍ତି ଆହତ ହୋଇଥିବାର ଜଣାଯାଇଛି । ଏହି ଘଟଣାକୁ ନେଇ ଗ୍ରାମରେ ଆତଙ୍କ ଖେଳିଯାଇଛି । ଗତ କିଛି ଦିନ ହେଲା ସ୍ଥାନୀୟ ଗ୍ରାମର ବୈରାଗୀ ଚରଣ ପଣ୍ଡା(୭୫), ରମେଶଚନ୍ଦ୍ର ପଣ୍ଡା(୬୨), ରତ୍ନାକର ମହାନ୍ତି(୭୦), ସୁର ସ୍ୱାଇଁ(୬୫), ସାବିତ୍ରୀ ଲେଙ୍କା(୬୨), ବିଶ୍ୱନାଥ ବାରିକ(୬୫) ଦିନବନ୍ଧୁ ମହରଣା(୬୩), ଭାସ୍କର ନନ୍ଦ(୬୭) ଓ ସ୍ଥାନୀୟ ମାଣିକପୁର ଗ୍ରାମର ଉପେନ୍ଦ୍ର ନାୟକ ପ୍ରମୁଖ ୫୦ରୁ ଊର୍ଦ୍ଧ୍ୱ ବ୍ୟକ୍ତିଙ୍କୁ ଏକ କୁକୁର କାମୁଡିଥିବା ଅଭିଯୋଗ ହୋଇଛି । ସମ୍ପୃକ୍ତ ବ୍ୟକ୍ତିମାନେ ନିଶ୍ଚିନ୍ତକୋଇଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ କଟକ ବଡ ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ କୁକୁର ଆତଙ୍କ ଯୋଗୁ ଗ୍ରାମରେ ଜଳାନ୍ତକ ରୋଗ ବ୍ୟାପିବାର ଆଶଙ୍କା ସୃଷ୍ଟି ହୋଇଛି । ପ୍ରଶାସନ ତରଫରୁ ପ୍ରତିକାର ନିମନ୍ତେ ସାଧାରଣରେ ଦାବି ହୋଇଛି ।