ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ପ୍ରଗତି ମଇଦାନସ୍ଥିତ ଆଇଟିପିଓ (ଇଣ୍ଡିଆ ଟ୍ରେଡ୍ ପ୍ରୋମୋସନ ଅର୍ଗାନାଇଜେସନ) କମ୍ପେ୍ଲକ୍ସରେ ପୂଜାର୍ଚ୍ଚନା କରିଛନ୍ତି । ସେଠାରେ ଥିବା ଆଇସିସି (ଇଣ୍ଟରନ୍ୟାସନାଲ ଏକ୍ଜିବିସନ କମ୍ କନ୍ଭେନସନ ସେଣ୍ଟର)ରେ ଆଗାମୀ ତି-୨୦ ସମ୍ମିଳନୀ ଆୟୋଜିତ ହେବାର କାର୍ଯ୍ୟକ୍ରମ ରହିଛି ।
ଏହି କମ୍ପେ୍ଲକ୍ସ ନିର୍ମାଣ ପାଇଁ ୨୭୦୦ କୋଟି ଟଙ୍କାର ବ୍ୟୟବରାଦ କରାଯାଇଥିଲା । ପ୍ରଗତି ମଇଦାନରେ କୌଣସି ବିଶ୍ୱସ୍ତରୀୟ ସମ୍ମିଳନୀ, ବୈଠକ କିମ୍ବା ସେମିନାର ଆୟୋଜନ ନିମନ୍ତେ ଏଭଳି ଏକ କମ୍ପେ୍ଲକ୍ସ ନିର୍ମାଣ ଜରୁରୀ ବୋଲି ମୋଦୀ କହିଛନ୍ତି । ଉକ୍ତ କମ୍ପେ୍ଲକ୍ସରେ କନ୍ଭେନ୍ସନ ସେଣ୍ଟର, ଏକ୍ଜିବିସନ ହଲ୍ ଏବଂ ଆମ୍ପିଥିଏଟର ସମେତ ସମସ୍ତ ଅତ୍ୟାଧୁନିକ ସୁବିଧା ସୁଯୋଗ ରହିଛି ।
