ସ୍ୱତନ୍ତ୍ର ବସ ଯୋଗେ ପୁରୀ ଗଲେ ସବୁ ଦଳର ବିଧାୟକ

ଭୁବନେଶ୍ୱର: ଆଜି ଭାରତୀୟ ନୌସେନା ଦିବସ। ଆରମ୍ଭ ହୋଇଯାଇଛି ନୌସେନା ଦିବସ । ପୁରୀ ବ୍ଲୁ ଫ୍ଲାଗ ବିଚରେ ପ୍ରଦର୍ଶୀତ ହେବ ନୌସେନାର ରଣ କୌଶଳ । ସାରା ଓଡ଼ିଶା ଦେଖିବ ଭାରତୀୟ ନୌସେନାର ପରାକ୍ରମ । ଏଥିପାଇଁ ପୁରୀ ବ୍ଲୁ ଫ୍ଲାଗ ବେଳାଭୂମିରେ ଲାଗିଛି ଯୁଦ୍ଧ ଜାହାଜ ଓ ଟ୍ଯାଙ୍କ । ଜଳପଥରେ ଶତ୍ରୁପକ୍ଷକୁ ପ୍ରତିହତ କରିବା ସହ ଚିତ୍ତାକର୍ଷକ ସମରକଳା ଦେଖାଇବେ ନୌବାହିନୀ। ପ୍ରାୟତଃ ୨୫ରୁ ଉର୍ଦ୍ଧ୍ବ ଯୁଦ୍ଧଜାହାଜ ଓ ୩୫ରୁ ଉର୍ଦ୍ଧ୍ବ ନୌସେନାର ଏୟାରକ୍ରାଫ୍ଟ ରଣକୌଶଳ ପ୍ରଦର୍ଶନ କରିବେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦାନ ଦେଇଛନ୍ତି ରାଷ୍ଟ୍ରପତି ଦୌପଦୀ ମୁର୍ମୁ । ଏହି ପରିପେକ୍ଷୀରେ ଭୁବନେଶ୍ୱର ରୁ ଏକ ସ୍ୱତନ୍ତ୍ର ବସ ଯୋଗେ ସମସ୍ତ ଦଳର ବିଧାୟକ ମାନେ ନୌସେନା ଦିବସରେ ଯୋଗ ଦେବା ପାଇଁ ବାହାରିଛନ୍ତି । ତେବେ ସୂଚନା ଅନୁୟାଯୀ ରାସ୍ତରେ ବିଧାୟକଙ୍କ ଗାଡି ଦୁର୍ଘଟଣା ଘଟିଛି । ପଛ ପଟୁ ପିଟି ହୋଇଛି ୬ ଟି କାର । ବିଜେପୁର ବିଧାୟକ ସନତ ଗଡ଼ତିଆଙ୍କ ଗାଡିକୁ ଧକ୍କା ହୋଇଛି । ତେବେ ଦୁର୍ଘଟଣା ପରେ ସମସ୍ତେ ସୁରକ୍ଷିତ ଥିବା ନେଇ ସୂଚନା ରହିଛି । ବିଧାୟକଙ୍କ ଗାଡି ସାମ୍ନାକୁ ପଶିଆସିଥିଲା ଏକ କାର । ଏହି ଦୁର୍ଘଟଣା ଘଟିଛି ମାଳତିପାଟପୁର ନିକଟରେ ଏହି ଦୁର୍ଘଟଣା ଘଟିଛି , ତେବେ କାହାର କିଛି କ୍ଷତି ହୋଇନଥିବା ସୂଚନା ରହିଛି ।