ଏହି ଟ୍ରାକ୍ଟରର ବ୍ୟବହାର ଦ୍ୱାରା ଚାଷୀଙ୍କର ବାର୍ଷିକ ୧.୫ ଲକ୍ଷ ଟଙ୍କା ହେବ ସଂଚୟ
ବାୟୋ ସିଏନଜି ପାଇଁ ବ୍ୟବହୃତ ନଡାକୁ ବିକି ଚାଷୀ ହେବେ ଲାଭବାନ
ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଦେଶରେ ପ୍ରଦୂଷଣ ହ୍ରାସ କରିବା ପାଇଁ ଉଦ୍ୟମ ଜାରୀ
ନୂଆଦିଲ୍ଲୀ/ଭୁବନେଶ୍ୱୱର : ଦେଶର ପ୍ରଥମ ସିଏନ୍ଜି ଟ୍ରାକ୍ଟର ଶୁଭାରମ୍ଭ ହେବା ଫଳରେ ଚାଷୀମାନେ
ନିଜ ଆୟକୁ ବୃଦ୍ଧି କରିବା ସହ ଗ୍ରାମାଂଚଳରେ ରୋଜଗାର ମଧ୍ୟ ବଢିବ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୂରଦୃଷ୍ଟି କ୍ରମେ
ଲକ୍ଷ୍ୟ ରଖାଯାଇଥିବା ଦେଶରେ ପ୍ରଦୂଷଣର ମାତ୍ରାକୁ ହ୍ରାସ କରାଯାଇପାରିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ନୂଆଦିଲ୍ଲୀ ଠାରେ ଶୁକ୍ରବାର କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନଙ୍କ ଉପସ୍ଥିତିରେ କେନ୍ଦ୍ର ସଡ଼କ ଓ ପରିବହନ ମନ୍ତ୍ରୀ ନୀତିନ ଗଡ଼କରୀଙ୍କ
ଦ୍ୱାରା ଦେଶର ପ୍ରଥମ ସିଏନଜି ଟ୍ରାକ୍ଟର ଶୁଭାରମ୍ଭ କରିବା କରାଯିବା ଅବସରରେ ଶ୍ରୀ ପ୍ରଧାନ କହିଛନ୍ତି ଯେ ସିଏନଜି ଚାଳିତ
ଟ୍ରାକ୍ଟର ଗୁଡିକର ବ୍ୟବହାର ଦ୍ୱାରା ଚାଷୀମାନେ ବାର୍ଷିକ ୧.୫ ଲକ୍ଷ ଟଙ୍କା ସଂଚୟ କରିପାରିବେ । ଟେକ୍ନୋଲୋଜି ଜରିଆରେ
ପୁରୁଣା ଡ଼ିଜେଲ୍ ଟ୍ରାକ୍ଟରକୁ ସିଏନଜିରେ ରୂପାନ୍ତରିତ କରାଯାଇଛି । ରୋମାଟ୍ ଟେକ୍ନୋ ସଲ୍ୟୁସନ ଏବଂ ଟୋମାସେଟ୍
ଆଚିଲେ, ଇଣ୍ଡିଆ କମ୍ପାନୀ ସହଯୋଗରେ ଏହି ଟେକ୍ନୋଲୋଜିକୁ ବିକଶିତ କରାଯାଇଛି । ଏହି ପଦକ୍ଷେପ ଦ୍ୱାରା ପୁରୁଣା
ଡ଼ିଜେଲ ଟ୍ରାକ୍ଟର ସିଏନଜିରେ ରୂପାନ୍ତରିତ ହେବା ଫଳରେ ସ୍ୱଚ୍ଛ ଇନ୍ଧନ ଦ୍ୱାରା ପ୍ରଦୂଷଣ ହ୍ରାସ ହେବ । ଇଞ୍ଜିନରେ
ରକ୍ଷଣାବେକ୍ଷଣ ଖର୍ଚ୍ଚ କମ୍ ହେବ । ସିଏନଜି ଶସ୍ତା ହୋଇଥିବା କାରଣରୁ ଚାଷୀମାନେ ଲାଭବାନ ହେବେ । ସିଏନଜି ଇନ୍ଧନ
କାରଣରୁ ମଧ୍ୟ ଟ୍ରାକ୍ଟର ନିରାପଦ ରହିବ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୱେଷ୍ଟ ଟୁ ୱେଲଥ୍ ଦୃଷ୍ଟିକୋଣରେ ବାୟୋ ସିଏନଜି ପାଇଁ ନଡ଼ା ବ୍ୟବହୃତ ହୋଇଥାଏ ।
ଫଳରେ ଏହାଦ୍ୱାରା ଚାଷୀମାନେ ନଡ଼ାକୁ ସ୍ଥାନୀୟ ଅଂଚଳରେ ନଷ୍ଟ ନକରି ବିକ୍ରି କରି ଅଧିକ ଲାଭବାନ ହୋଇପାରିବେ ।
ତଣେୁ ସିଏନଜି ଉତ୍ପାଦନ ହେଉଥିବା କୃଷି ଅବଶିଷ୍ଟାଂଶକୁ ମଧ୍ୟ ବାୟୋ-ସିଏନଜି ୟୁନିଟରେ ବିକ୍ରୟ କରିବାକୁ ଚାଷୀଙ୍କୁ
ପ୍ରୋତ୍ସାହନ ଦିଆଯିବ ।
ଭାରତ ଆମେରିକା ଓ ଚୀନ ପରେ ତୃତୀୟ ଉର୍ଜା ଉପଭୋକ୍ତା ରାଷ୍ଟ୍ର । ବିଶ୍ୱ ଉର୍ଜା ହାରାହାରିରେ ଭାରତର ମୁଣ୍ଡ ପିଛା ଉର୍ଜା
ବ୍ୟବହାର ଏକ ତୃତୀୟାଂଶ ରହିଛି । ନିକଟ ବଜେଟରେ ମୋଦି ସରକାର ସଡକ, ରେଳ, ପାଇପଲାଇନ ତଥା ଉର୍ଜା
ଭିତିଭୂମିକୁ ଗୁରୁତ୍ୱ ଦେଉଥିବା ବେଳେ ଏହା ଦ୍ୱାରା ଆଗାମୀ ଦିନରେ ଉର୍ଜା ବ୍ୟବହାର ବଢ଼ିବ । ଏପରି ଦେଶରେ ଉର୍ଜା
ଉପଭୋକ୍ତା ଭାବରେ ଭାରତ ଆଗାମୀ ଦିନରେ ପ୍ରଥମ ଦେଶ ହେବ ବୋଲି ଆକଳନ କରାଯାଇଛି । ପ୍ରଧାନମନ୍ତ୍ରୀ ମୋଦିଙ୍କ
ନେତୃତ୍ୱରେ ଭାରତ ଉର୍ଜା ସଂରକ୍ଷଣରେ ଅଙ୍ଗାରକାମ୍ଳ ହ୍ରାସ କରିବା ପାଇଁ ଉଦ୍ୟମ କରୁଛି । ଭାରତ ସରକାର ଅକ୍ଷୟ ଉର୍ଜା
ଏବଂ ଜୈବଇନ୍ଧନ ଉପରେ ଏକ ନୂତନ ବିକଳ୍ପ ଉର୍ଜା ମଡେଲ୍ ତିଆରି କରୁଛନ୍ତି ବୋଲି ଶ୍ରୀ ପ୍ରଧାନ କହିଛନ୍ତି ।
ଚାଷୀଙ୍କ ଆୟରେ ବୃଦ୍ଧି ଘଟିବା ସହ ଗ୍ରାମାଂଚଳରେ ରୋଜଗାର ବଢିବ : ଧର୍ମେନ୍ଦ୍ର ପ୍ରଧାନ
