ମାଲକାନଗିରି: ସୀମା ସୁରକ୍ଷା ବାହିନୀ (ବିଏସ୍ଏଫ୍)ର ଯବାନମାନେ ସୋମବାର ଦିନ ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ବୋଡିଲୁଗୁଡ଼ା-ବୃନ୍ଦାମାମ୍ଡି ଅଞ୍ଚଳରେ ମାଓ କ୍ୟାମ୍ପ ଠାବ କରିଛନ୍ତି । ୧୪୨ ବାଟାଲିଅନ୍ ବିଏସ୍ଏଫ୍ର ଯବାନମାନେ ସର୍ଚ୍ଚ ଅପରେସନ ସମୟରେ ଭେଜାଙ୍ଗିଗୁଡ଼ା ସଂରକ୍ଷିତ ଜଙ୍ଗଲରୁ ମାଓ ସାମଗ୍ରୀ ଜବତ କରିଛନ୍ତି । ଏଥିରେ ବିସ୍ଫୋରକ ସାମଗ୍ରୀ ଓ ରକେଟ୍ ଲଞ୍ଚର ଥିବା ନେଇ ବିଏସ୍ଏଫ୍ ପକ୍ଷରୁ ସୂଚନା ପ୍ରଦାନ କରାଯାଇଛି । ବିଏସ୍ଏଫ୍ ପକ୍ଷରୁ କୁହାଯାଇଛି ଯେ, ବିଶ୍ୱସ୍ତ ସୂତ୍ରରୁ ସୂଚନା ମିଳିବା ପରେ ଯବାନମାନେ ଭେଜାଙ୍ଗିଗୁଡ଼ା ସଂରକ୍ଷିତ ଜଙ୍ଗଲରେ ସର୍ଚ୍ଚଅପରେସନ କରିଥିଲେ ।
ଅପରେସନ ସମୟରେ ମାଓ କ୍ୟାମ୍ପରୁ ଗୋଟିଏ ୩୦୩ ରାଇଫଲ୍, ୧୧ଟି ବ୍ୟାରେଲ, ଗୋଟିଏ ପତ୍ରିକା, ୧୫ଟି ହ୍ୟାଣ୍ଡ ଗ୍ରେନେଡ ଇମ୍ପ୍ରୁଭାଇଜ, ଗୋଟିଏ ହ୍ୟାଣ୍ଡ ଗ୍ରେନେଡ ସହ ଚାବି, ୩ଟି ଦେଶୀ ବନ୍ଧୁକ, ୨ଟି ୫୧ଏମ୍ଏମ୍ ମୋଟାର ବୋମା, ଗୋଟିଏ ଗ୍ୟାସ ୱେଲଡିଂ ମେସିନ, ୧୧୨ଟି ଡ୍ରିଲ ବିଟ୍, ୪୨ଟି ୩୦୩ ଜୀବନ୍ତ କ୍ୟାଟରିଡେଜ୍, ୨୫୦ମିଟର ବିଦ୍ୟୁତ୍ ତାର, ଗୋଟିଏ ଦେଶୀ ରକେଟ୍ ଲଞ୍ଚର, ୭ଟି ଚାର୍ଜର କ୍ଲିପ୍, ଗୋଟିଏ ଗ୍ୟାସ ରେଗୁଲେଟର ନୋଜେଲ ସେଟ୍, ୧୧ଟି ଆଇରନ୍ ୱେଟ୍, ୨୯ଟି ଜି ଲାଟିନ୍ ଷ୍ଟିକ୍, ୫ ପ୍ୟାକେଟ ଆଲୁମିନିୟମ୍ ନାଇଟ୍ରେଡ୍, ୩୦ଟି ଇଲେକ୍ଟ୍ରି ଡିଟୋନେଟର ଓ ୯ଟି ସିନ୍େଥଟିକ୍ ୱେଷ୍ଟ ବେଲ୍ଟ ଜବତ ହୋଇଛି । କୋରାପୁଟ ଓ ମାଲକାନଗିରିର ମାଓ ଅଧ୍ୟୁଷିତ ଅଞ୍ଚଳରେ ବିଏସ୍ଏଫ୍ର ଯବାନମାନେ ନିରବଚ୍ଚିନ୍ନ ଭାବେ ଅପରେସନ ଜାରି ରଖିଛନ୍ତି । ଅତୀତରେ ମଧ୍ୟ ଅନେକ ଥର ମାଓ ଶିବିର ଠାବ ହେବା ସହିତ ନକ୍ସଲ ସାମଗ୍ରୀ ଜବତ ହୋଇଛି ବୋଲି ବିଏସ୍ଏଫ୍ ପକ୍ଷରୁ ପ୍ରେସ୍ ବିଜ୍ଞପ୍ତି ଜରିଆରେ ସୂଚନା ଦିଆଯାଇଛି ।
