ଭୁବନେଶ୍ବର: ପୂଜା ମଣ୍ଡପରୁ ସୁନା ଚେନ୍ ଲୁଟ୍ ଘଟଣାରେ ୮ ସନ୍ଦିଗ୍ଧଙ୍କୁ ଉଠାଇନେଲା ପୋଲିସ । ସମସ୍ତ ଅଭିଯୁକ୍ତ ବିହାର ଅଞ୍ଚଳରୁ ବୋଲି ଜଣାପଡିଛି ।
ସୂଚନାଯୋଗ୍ୟ ଯେ, ଭୁବନେଶ୍ବର ବମିଖାଲ ଦୁର୍ଗାପୂଜା ମଣ୍ଡପରୁ ସୁନା ଚେନ୍ ଲୁଟ୍ ହୋଇଥିଲା । ଏ ନେଇ ଅଭିଯୋଗ ପରେ ପୋଲିସ ଘଟଣା ତଦନ୍ତ ଆରମ୍ଭ କରିଥିଲା । ଏହି ପରିପ୍ରେକ୍ଷୀରେ ୮ ଜଣ ସନ୍ଦିଗ୍ଧଙ୍କୁ ପୋଲିସ ଉଠାଇନେଇଛି । ସମସ୍ତେ ବିହାର ଅଞ୍ଚଳର ବୋଲି ଜଣାପଡିଛି । ଏମାନେ ରବିବାର ରାତିରେ ଅତ୍ୟଧିକ ମଦ୍ୟପାନ କରି ବୁଲାବୁଲି କରୁଥିଲେ । ବମିଖାଲ ଦୁର୍ଗାପୂଜା ମଣ୍ଡପରେ ବୁଲୁଥିବା ସାଧା ପୋଷାକଧାରି ପୋଲିସ ଏମାନଙ୍କୁ ମାଡ଼ିବସିଥିଲା । ତେବେ ସୋମବାର ଏମାନଙ୍କୁ ପଚରାଉଚରା କରାଯାଉଥିବା ଜଣାପଡିଛି ।
ପୂଜାରେ ରାଜଧାନୀ ସ୍ଥିତ ବିଭିନ୍ନ ଦୁର୍ଗା ମଣ୍ଡପରେ ସାଧାରଣତଃ ଭିଡ ପରିଲକ୍ଷିତ ହୋଇଥାଏ । ଲୁଟେରାମାନେ ଏହି ଭିଡର ଫାଇଦା ଉଠାଇଥାନ୍ତି । ବିଭିନ୍ନ ପୂଜା ମଣ୍ଡପର ବୁଲା ବୁଲି କରିବା ସହ ସୁଯୋଗ ଦେଇ ଲୁଟ୍ପାଟ୍ କରିଥାନ୍ତି ।