ନୂଆଦିଲ୍ଲୀ : ନିଜର ଡ୍ୟାନ୍ସ ଭିଡିଓ ସହିତ ସାରା ବିଶ୍ୱରେ ମାନ୍ୟତା ପାଇଥିବା କିଲି ପଲ ଏବେ ପୁଣିଥରେ ଚର୍ଚ୍ଚାରେ। କିନ୍ତୁ, ଏଥର ଆଲୋଚନାର ବିଷୟ ତାଙ୍କ ଭିଡିଓ ନୁହେଁ ବରଂ ତାଙ୍କର ଇନଷ୍ଟାଗ୍ରାମ ଷ୍ଟୋରୀ । କିଲି ସୋସିଆଲ ମିଡିଆ ମାଧ୍ୟମରେ ସୂଚନା ଦେଇଛନ୍ତି ଯେ କିଛି ଦିନ ପୂର୍ବରୁ ତାଙ୍କୁ ମାରଣାତ୍ମକ ଆକ୍ରମଣ କରାଯାଇଥିଲା।
ଇନଷ୍ଟାଗ୍ରାମରେ ଏକ ଷ୍ଟୋରୀ ସେୟାର କରି କିଲି ଲେଖିଛନ୍ତି, ମୋତେ ୫ ଜଣ ଆକ୍ରମଣ କରିଥିଲେ। ଏହି ସମୟରେ, ମୁଁ ନିଜକୁ ରକ୍ଷା କରିବାବେଳେ, ମୋ ହାତର ଆଙ୍ଗୁଠିରେ ଛୁରୀରେ ଆଘାତ ଲାଗିଛି। ଆଘାତ ହେତୁ ମୋର ୫ ଟି ଷ୍ଟିଚ୍ ପଡିଛି। ସେମାନେ ମୋତେ ବାଡ଼ିରେ ପିଟିଲେ। ପରେ ମୁଁ ସେମାନଙ୍କ ମଧ୍ୟରୁ ଦୁଇଜଣଙ୍କ ଉପରେ ଆକ୍ରମଣ କଲି ଏବଂ ସେମାନେ ସମସ୍ତେ ପଳାଇଲେ।
ସେ ଆହୁରି ଲେଖିଛନ୍ତି, ‘ଏହି ସମୟରେ ମୁଁ ଆହାତ ହୋଇଛି, ମୋ ପାଇଁ ପ୍ରାର୍ଥନା କର। ଏହା ବହୁତ ଭୟଭୀତ ଥିଲା। ଲୋକମାନେ ମୋତେ ତଳକୁ ଆଣିବାକୁ ଚେଷ୍ଟା କରନ୍ତି। କିନ୍ତୁ ଭଗବାନ ମୋତେ ସର୍ବଦା ଉଠାନ୍ତି।’ ତେବେ କିଲିଙ୍କ ସ୍ୱାସ୍ଥ୍ୟରେ ଉନ୍ନତି ଆସୁଛି। ସେ ସାମାନ୍ୟ ଆହତ ହୋଇଛନ୍ତି। ସେ ସୋସିଆଲ ମିଡିଆରେ ନିଜର ଏକ ନୂଆ ଭିଡିଓ ପୋଷ୍ଟ କରିଛନ୍ତି ଯେଉଁଥିରେ ପୂର୍ବ ଭଳି ଭଲ ଦେଖାଯାଉଛନ୍ତି।
