୧୦ ବର୍ଷ ଶିଶୁ କନ୍ୟାକୁ ଅପହରଣ କରି ୮୦ ବର୍ଷର ବୃଦ୍ଧ ସହ ବିବାହ

ଇସଲାମାବାଦ : ସଂଖ୍ୟାଲଘୁଙ୍କ ପାଇଁ ପାକିସ୍ତାନ ନର୍କ ପାଲଟି ଯାଇଛି। ସିନ୍ଧ କ୍ଷେତ୍ର ଶେଖ୍ ଭିରୋକିଆରେ ଏହାର ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି। ଏଠାରେ ହିନ୍ଦୁ ସମ୍ପ୍ରଦାୟର ଜଣେ ୧୦ ବର୍ଷୀୟ ଶିଶୁ କନ୍ୟାକୁ ଅପହରଣ କରି ୮୦ ବର୍ଷୀୟ ବୃଦ୍ଧ ସହ ବିବାହ କରାଇ ଦିଆଯାଇଛି। ଗତ ୨୨ ତାରିଖରେ ଏହି ଘଟଣା ଘଟିଥିଲା। ରିପୋର୍ଟ ଅନୁଯାୟୀ ଘାଟରେ ପୋଷାକ ସଫା କରୁଥିବାବେଳେ ଜମିଦାର ମୁଲା ରସିଦର ଗୁଣ୍ଡାମାନେ ଶିଶୁ କନ୍ୟାଙ୍କୁ ଅପହରଣ କରି ନେଇଥିଲେ। ପରେ ଜୋର ଜବରଦସ୍ତ ଧର୍ମ ପରିବର୍ତ୍ତନ କରି ବୃଦ୍ଧ ମୁଲ୍ଲା ରସିଦ ସହ ତାଙ୍କର ବିବାହ କରାଇ ଦେଇଥିଲେ। ଅଭିଯୋଗ ସତ୍ତ୍ବେ ପୁଲିସ ଏହି ଘଟଣାରେ କୌଣସି କାର‌୍ୟ୍ୟାନୁଷ୍ଠାନ ଗ୍ରହଣ କରୁନାହିଁ। ଏତଲା ରୁଜୁ କରିବା ପାଇଁ ପୁଲିସ ଲାଞ୍ଚ ମାଗୁଛି। ସେହିପରି ଗତ ସୋମବାର ସିନ୍ଧର ତନ୍ଦୁ ମୁହମ୍ମନ ଖାନ ଜିଲ୍ଲାରୁ ଜଣେ ବିବାହିତ ହିନ୍ଦୁ ମହିଳାଙ୍କୁ ଅପହରଣ କରି ନିଆଯାଇଛି। ପରେ ଜୋର ଜବରଦସ୍ତ ଧର୍ମାନ୍ତରଣ କରାଇ ମଞ୍ଜୁର ଶେଖ୍ ସହ ବିବାହ କରାଇ ଦିଆଯାଇଛି।