ଭୁବନେଶ୍ୱର: ଲକ୍ଷ୍ନୌର ଗୁରୁ ଗୋବିନ୍ଦ ସିଂହ ସ୍ପୋର୍ଟ୍ସ କଲେଜରେ ଚାଲିଥିବା ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସ ୨୦୨୩ର ରଗ୍ବୀ ଇଭେଣ୍ଟ୍ରେ କିଟ୍ର ପୁରୁଷ ଓ ମହିଳା ଟିମ୍ ବୁଧବାର ବିଜୟରୁ ଅଭିଯାନ ଆରମ୍ଭ କରିଛନ୍ତି । ପୁରୁଷ ୭ଏସ୍ ଇଭେଣ୍ଟ୍ର ପ୍ରଥମ ମ୍ୟାଚ୍ରେ କିଟ୍ ଟିମ୍ ମୁମ୍ବାଇ ୟୁନିଭର୍ସିଟିକୁ ୩୧-୦ରେ ପରାଜିତ କରିଛି ।
ସେହିପରି ଦ୍ୱିତୀୟ ମ୍ୟାଚ୍ରେ ପଞ୍ଜାବର ଲଭ୍ଲି ପ୍ରଫେସନାଲ୍ ୟୁନିଭର୍ସିଟିକୁ ୨୮-୧୨ ସ୍କୋର୍ରେ ହରାଇ ଦେଇଛି । ମହିଳା ୭ଏସ୍ ଇଭେଣ୍ଟ୍ର ପ୍ରଥମ ମ୍ୟାଚ୍ କିଟ୍ ମହିଳା ଟିମ୍ ଅମୃତସରର ଗୁରୁ ନାନକ ଦେବ ୟୁନିଭର୍ସିଟିକୁ ୫୧-୫ ଏବଂ ଦ୍ୱିତୀୟ ମ୍ୟାଚ୍ରେ ମୋହାଲିର ଚଣ୍ଡିଗଡ଼ ୟୁନିଭର୍ସିଟିକୁ ୫୧-୦ ସ୍କୋର୍ରେ ପରାଜିତ କରିଛି । ଆସନ୍ତାକାଲି ଅନ୍ତିମ ଲିଗ୍ ମ୍ୟାଚ୍ରେ କିଟ୍ ପୁରୁଷ ଓ ମହିଳା ଟିମ୍ କୋହ୍ଲାପୁରର ଶିବାଜୀ ୟୁନିଭର୍ସିଟିକୁ ଭେଟିବେ । ଅନ୍ତିମ ଲିଗ୍ ମ୍ୟାଚ୍ରେ ବିଜୟୀ ହେଲେ କିଟ୍ ପୁଲ୍ ଟପ୍ପର୍ ହେବ ।
