ମୁମ୍ବାଇ : ବିବାହ କରିବେ ଜୁବିନ୍। ଏଖବର ଏବେ ଚର୍ଚ୍ଚାର ବିଷୟ ପାଲଟିଛି। ବଲିଉଡ୍ରେ ପୁଣି ଫେରିଛି ବିବାହ ଋତୁ। ଜଣଙ୍କ ପରେ ଜଣେ ଅଭିନେତା, ଅଭିନେତ୍ରୀ ବିବାହ କରିବାରେ ଲାଗିଛନ୍ତି। ଆଉ ଏଥିରୁବା ଗାୟକମାନେ କେମିତି ବାଦ ପଡିବେ। ଏହି ତାଲିକରେ ଯୋଡି ହୋଇଛି ଗାୟକଙ୍କ ନାଁ। ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ଜଣାଶୁଣା କଣ୍ଠଶିଳ୍ପୀ ଜୁବିନ୍ ନୌଟିୟାଲ। ଅଭିନେତ୍ରୀ ନିକିତା ଦତ୍ତାଙ୍କୁ ବିବାହ କରିବେ ଜୁବିନ୍ ବୋଲି ଶୁଣିବାକୁ ମିଳୁଛି।
ନିକିତା ଦତ୍ତା ସେହି ଅଭିନେତ୍ରୀ ଯିଏକି କବିର ସିଂଙ୍କ ପ୍ରେମରେ ପାଗଳ ଥିଲେ। ଆଜ୍ଞା ହଁ, ଫିଲ୍ମ କବିର ସିଂରେ ନିକିତା ଦତ୍ତାଙ୍କୁ ଦେଖିବାକୁ ମିଳିଥିଲା। ତାଙ୍କ ଅଭିନୟ ଦର୍ଶକଙ୍କ ହୃଦୟ ଜିଣିଥିଲା। ଜୁବିନ୍ ନୌଟିଆଲ ଓ ନିକିତା ଦତ୍ତାଙ୍କୁ ଅନେକ ସ୍ଥାନରେ ଏକାଠି ଦେଖିବାକୁ ମିଳିଛି। ଏଣୁ ଉଭୟଙ୍କ ମଧ୍ୟରେ କିଛି ଚାଲିଥିବାର ସନ୍ଦେହ କରାଯାଉଥିଲା। କିନ୍ତୁ ଉଭୟେ କେବେ ବି ନିଜ ସମ୍ପର୍କ ବିଷୟରେ ଖୁଲାସା କରିନଥିଲେ । ହେଲେ ବର୍ତ୍ତମାନ ଜୁବିନ୍ ଓ ନିକିତାଙ୍କର ବିବାହ କରୁଥିବା ନେଇ ଏକ ସାକ୍ଷାତକରାରୁ ଜଣାପଡିଛି।
ସୂଚନାନୁସାରେ, ନିକଟରେ ଉତ୍ତରାଖଣ୍ଡ ସ୍ଥିତ ଜୁବିନ୍ଙ୍କ ଘରକୁ ନିକିତା ଯାଇଥିଲେ । ସେହିପରି ଜୁବିନ୍ ମଧ୍ୟ ବାହାଘର ବିଷୟରେ ପ୍ଲାନିଂ କରିବା ପାଇଁ ମୁମ୍ବାଇରେ ନିକିତାଙ୍କୁ ଭେଟିଥିଲେ। ଯାହାର ଫଟୋ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହୋଇଥିଲା । ତେବେ ଏହି ଲଭ ବାର୍ଡ କେବେ ବିବାହ କରୁଛନ୍ତି, ତାହା ତ ଜଣାପଡ଼ିନାହିଁ। କିନ୍ତୁ ସମସ୍ତେ ଅପେକ୍ଷା କରିଛନ୍ତି।
